<美味>~* 唔洗去日本都食到好味浜燒@ 秋田鐵板燒刺身專門店~*

 

最近天氣好涷, 餐餐都打邊爐, 雖然好好味又夠暖但都太悶~
爸爸於是提議食浜燒, 記得之前在新宿食過一次
想起鋪滿蟹膏既蟹蓋, 就忙住叫佢Book枱了!
 

我們今次係食"秋田鐵板燒刺身專門店", 之前在諾士佛台都食過一次

今次就食天文圍的這間, 去到有個服務員竟然記得我地!

實在太好記性了!

 

天文台圍的這間,共有二個鋪位, 地方闊落好坐,

而且最窩心係店員見你太多野

見隔離冇人, 就主動拉埋隔離張枱比你放野

仲有就係我們隨意將外套放在登上

店員又立即攞塊餐巾蓋住

實在相當細心!!!!

令人食都食得開心滿意!

 講番食物先, 今次叫左幾款菜, 包括赤豚柳泡菜烏冬鍋,蟹瞉蟹膏甲羅燒, 伊豆鯖魚, 比內雞翅釀法國鮮鵝肝~

叫了浜燒闗係, 服務員會送上爽脆的生菜甘荀小塊和麵豉醬比你, 蔬菜全都好脆口好新鮮!

  

爸爸點了最愛Asahi, 有浜燒冇啤酒怎能? 呢度Asahi 只係hkd 35, 價位理想, 可以用來送串燒和燒物, 令食物更加美味~

伊豆鯖魚 - 燒到剛剛好, 魚皮脆口, 魚肉好嫩滑,亦冇腥味, 就算唔太食魚既我都覺得幾好食, 用來送飯最好!

 比內雞翅釀法國鮮鵝肝- 釀左滿滿鵝肝既雞翼, 外皮燒到脆脆, 內裡既鵝肝軟滑芳香, 一啖咬落去, 既脆又香口既感覺一試難忘!!! 好好食!

來到蟹瞉蟹膏甲羅燒, 點左二隻, 每隻只係HKD 68, 比係日本食既平, 個人覺得幾扺食!!

店員會將放左蟹肉, 疍,蟹子同埋蟹膏, 睇住火吱吱咁燒, 而店員好努力咁將佢地攪勻一齊,

再煮至全熟, 此時蟹膏蟹肉既香味就係餐廳度飄吓飄吓, 流晒口水~~~

燒好啦!!! 滿滿既蟹膏蟹黃充滿濃濃既咸香味道, 好鮮好好味, 不過就咁食就會咸左少少,  送白飯送米通就一流了!

餐廳會送上二件米通, 將鮮味十足既蟹膏送上去食, YUMM!

  

秋田鐵板燒刺身專門店

尖沙咀天文台圍8號  

T: 23162727

<美味>~ *西式CAFE食中式私房菜@ Aster Cafe~*

大家試過係CAFE食中式私房菜未? 真係有架, 冇呃你!

最近表哥帶左我去食中式私房菜, 每樣菜式都好好味, 好夠鑊氣添!! 但原來佢係一間CAFE來架!!!我都係第一次見識見識呢~

 

 

店名叫Aster Cafe, 位於觀塘,除左有西式咖啡意粉扒類提供, 仲有中式私房菜喔!!咁我就可以邊食私房菜邊細味latte了!!!!

店子走西式cafe格, 由於是樓上鋪闗係, 地方清靜, 服務員都相當細心, 做野又勤快, 成餐飯都食得好開心!

 

介紹一下呢個中式私房菜先,  四人套餐約hkd 800, 每位都只係hkd 200, 好抵食!!

首先有薑葸炒蟹! - 雖然大閘蟹當造, 但花蟹都不錯!! 呢隻花蟹肉都不算少, 蟹瞉有少少膏,肉質鮮美,調味做得唔錯,夠香又令到蟹味出晒來!!!!份量都唔少,四個人分吃剛剛好!

  

接着係老火湯- 是日係牛蒡豬肉南北杏湯, 湯頭清甜, 飲落去好順喉, 完全飲唔到有味精味道, 就好似媽咪係屋企煲既靚湯一樣,滋補有益! 

 蜜味燒骨- 每件骨都骨肉均稱,肥膏和廋肉比例約2:8, 雖然我不喜歡肥肉, 但的確加了少少肥膏, 整片肉都變更嫩滑, 口感亦較好, 而且燒汁有少少甜味, 調得好好味呀! 一碟8件, 每人有二大件, 用來送飯, 一流!　

 餐廳這裡主打健康, 米粒用上糙米, 入口煙韌甘香, 充滿飯味, 比普通白飯來得好味又健康!

 

桃膠牛肉清炒西芹豆角 - 又是好好送飯的一味餸! 炒過的桃膠充滿黏力, 大家都知道桃膠係平價花膠, 女士們多吃美顏! 其它豆豆都炒得好香好入味, 不過最重要牛肉唔酥, 幾彈牙, 唔錯~

最後仲有條星斑食呀! 星斑蒸得剛剛好, 肉質好嫩好鮮甜, 食落完全唔腥, 連唔食魚既我都覺得好好味, 媽咪最後整條ko 左佢了, 連頭都唔放過, 好味! 

Aster Cafe

觀塘巧明街117號港貿中心2樓201室

T: 2805-6238

<美味>~ 高質火鍋店@ 酒鍋~*

前老闆生日, 都好耐無一齊出黎食飯談天了!
剛好他又轉了新環境, 待遇職級 都大大提升
他說幫他找間高級又質素好的火鍋店
食物要好食, 坐要舒服, 而且要有啲特式的
同同事取經一下, 介紹我來到"酒鍋"~

 

說實, 酒鍋的格調真的較為高點,地方夠大夠闊,位子好坐,

而且晚上的夜景View好靚!!

不過亦因為咁, 價錢真心有啲高價,  不過食物質素好高, 

食材全都好新鮮, 好好食!!!

我們先點左一個"五國美人"窩, 湯底是以5種湯底做成,  5種唔同既湯底中,不乏名貴既材料如花膠雞煲,亦有蕃茄疍湯底,牛骨鍋等,服務員把酒洒在鍋上,就會有很多迷幻的煙霧噴出,感覺新奇有趣! 

立即"相機食先"!

  

我地叫左幾款小食- 全部都冇叫我失望, 因為實在好好吃!!!就算是貴少少都值!

首先係黑松露蝦蟹餃-很香既黑松露味滲出,令到胃口大增!入面既蝦同蟹肉好夾, 

食落去好爽好鮮! 

另一款係芝士紫菜蝦蟹餃 - 呢款較剛才的更濃味! 因為芝士味道好出! 一啖咬落去, 淡淡芝士流出, 香味四溢!  而內面既蝦蟹肉同樣鮮甜!

  

鴨血- 大塊又夠滑, 索滿惹味火鍋汁就更加惹味!

 

開心小企鵝- 造型趣緻, 其實是墨丸來的, 咬落去有點實淨(好殘忍), 不過都好爽彈, 幾好味!

 

7 星報喜-7款不同顏色,不同材料的丸子,全都爽滑彈牙,入口極度鮮味,一次過試齊蝦丸,墨丸,芝士丸,蟹丸,不得不試! 

  

蔬菜拼盤- 比我的感覺好特別!!!選材真的比坊間的火鍋店嚴謹細心, 除了有生菜, 西蘭花, 蕃茄粟米, 最驚喜就是有羽衣甘藍!!! 

平時都是食Salad時才會見到佢, 原來灼熟後都好好味!

不錯又健康既選擇!

 

  

炸嚮鈴都唔錯, 脆卜卜無油益味, 有陣陣豆香味, 生食熟食都好味!

牛肉拼盤- 呢盤價位不便宜, 差不多七百元!!! 不過食過就知值!

牛肉好嫩好滑!!!無論是牛肉, 腩肉和牛仔粒, 全都都好嫩滑無渣!近乎入口即溶感覺~

每片都只需略拖拖水灼灼就ok, 牛肉油花分佈適宜, 每片入口都好香,咬落去肥廋適中, 令人回味無穹!!!

另外亦點左羊片- 羊肉沒有太大酥味, 入口容易, 而且肉質同樣嫩滑, 充滿肉香, 而且羊肉保身又暖身呢~

怕熱氣的闗係, 也點了竹蔗矛根來, 以小灯胆花瓶子裝着, 可愛度爆灯!

再加上入口很醇, 甜度適中, 喝下去好舒服, 清甜又解渴, 推介!

酒鍋

銅鑼灣登龍街18號V Point 27樓 

23237098

<美味>~ 美味芳香的外賣魚生飯@ 御藏~*

 

俗語有云, 辛苦揾來自在食, 所以盡量我都唔會係lunch太刻薄自己
食一個靚晏, 就係果一個鐘令你充滿力量,
下晏又有力氣繼續博殺! 

 

最近同事介紹左我去一間外賣魚生鋪頭買外買!

鋪頭名叫- 御藏, 係灣仔街巿附近, 中午放飯時間好多人排隊~

所以我都係同同事早少少過去排~

店面唔算好細, 有飯有麵選擇都好多!

今日想食好少少, 所以豪dd 叫左魚生飯

雖然要九十幾蚊, 但就有一盒滿滿既魚生飯

另外包一個飲品/麵豉湯

都算唔錯~ 

攞番公司慢慢食先!!

我既豪華魚生飯有大大粒帶子二只, 有蝦, 海胆, 三文魚子, 魚子, 三文魚等等

打開蓋就聞到魚生的新鮮芬芳味道了!

yumm!

海胆好新鮮好滑, 一啲腥味都冇, 入口豐潤, 有濃濃的海胆香味, 而且份量不算少, 有3個如壽司topping大的份量, 好味!

  

大大粒帶子肉身超厚,食落去好甘甜!厚厚的肉質令到成個口感都提升,好甜好香口!

甜蝦, 三文魚子都唔錯, 全部都好新鮮, 咬落去粒粒爆破, 哈哈, 好好味!

  

另外三文魚都有好多件, 件件咬落去魚油都瀉出來, 新鮮飽滿, 充滿魚肉的鮮香, 

整個魚生飯質素相當唔錯, 同我樓下果間百幾二百蚊高級壽司質素差不多!

御藏

灣仔春園街1-11號地下7號舖  

23509898

23503999