<美味~ 滋味八爪魚加生蠔宴!@ 炑八韓烤~*

一向都好中意食韓燒, 食堂通常揀炑八, 因為貪其MENU新又多野食,

每隔一段時間, 佢就會出新MENU, 今次都一樣呀,

見到佢出左"蠔食雜錦八爪魚套餐"

急不及待同朋友走落去試吓

蠔食雜錦八爪魚套餐都幾抵食, 價位約HKD 568

就包左仁川直送既辣醃生蠔, 

另外仲有一個大大個烤肉拼盤, 

包括:

大八爪魚, 大蝦, 豬肩肉, 牛小排,

豬頸肉, LA骨, 芝士生蠔, 惹味牛油芝士生蠔, 

仲加一個八爪魚生蠔湯

跟二杯飲品

 

 點好後, 服務員好快澆上圍邊既芝士粟米同埋泡菜疍, 個人好喜歡炑八既芝士粟米, 

係超級無敵好味!! 芝士味道濃郁又有拉絲, 好好味!

先來八爪魚生蠔湯 - 用料十足, 湯入面有幾隻生蠔和一隻八爪魚, 再加上紫菜既香味,

湯頭唔會太咸, 清淡得來好香海鮮味道!

 

用小碗裝着的大八爪魚超初不覺得怎樣, 肉眼見到八爪魚好新鮮, 而且醃得好香,應該幾好味~

 

點知將佢夾起來放係烤盤時, 嘩!!! 八爪魚超級超級巨大呀!! 好大隻呀! 足有一個烤盤咁大!

而且係相當新鮮架!!! 成隻擺上去時, 真心覺得置身係韓國漁巿場食生猛海鮮既感覺!!

正當我地煩惱緊點燒佢時, 友善既服務員又出現了~~ 佢幫我地放好八爪魚, 剪好左再整齊咁排列出來, 大約燒幾分鐘就可以食了! 八爪魚脆卜卜, 再加上有陣陣香烤味, 爽彈牙的, 超好食!

 

之後就上左烤肉拼盤了, 賣相骨子又整齊, 每樣食物都有一張小紙貼寫着名字, 每款都有3-4件, 唔錯~

食物包括:

大蝦, 豬肩肉, 牛小排, 豬頸肉, LA骨, 芝士生蠔, 惹味牛油芝士生蠔,

 

大蝦 - 好大隻好新鮮!約燒3分鐘就食得, 蝦肉好爽好彈牙,共有三只, 大滿足~

 

豬肩肉 - 肉質幾嫩滑, 烤好後有好Juicy既肉汁, 而且油份分佈平均, 食落去口感豐富, 美味!

 

豬頸肉 - 好有咬口之餘完全唔韌, 圍邊燒焦少少, 食落去仲煙韌好味, 口感幾肥美但又唔漏, 唔錯~

 

牛小排 - 好新鮮嫩滑, 烤好後好豐富既肉汁鎖係入面, 油份較多, 食落去滑滑的好夠牛味~

 

 LA骨 - 是牛仔骨嗎? 個人幾中意呢款骨, 除左肉質鮮嫩外, 骨既附近仲有一層煙韌既筋圍住, 口感雖然冇牛小排嫩滑, 但相對牛味較重, 肉汁和油份都會較多~

 

芝士生蠔/ 惹味牛油芝士生蠔-兩款都唔錯,溶左既芝士黏住啖啖美味生蠔,再把少少配菜, 

食落去好夠蠔味! 口感豐富~

 

最後點左熱花茶來消消滯, 淡淡的玫塊香味中和剛才肉既油膩感, 結束滿意既一餐~

 炑八韓烤

太子彌敦道749號歐亞銀行大廈地庫  

23906822 

<美肌>~*重拾緊緻細密@Kate Somerville 多元活膚重塑緊緻修護霜~*

年紀漸大, 肌齡都一併增大~

很多歲月問題都會逐漸出現, 皺紋, 乾紋幼紋, 缺水, 失去彈性, 沒有光澤, 下垂等等一大堆問題, 的確很使人煩惱.....

特別是巿場上針對熟齡肌的護膚品說真又不是太多
想有效針對問題亦不是易事呢~



最近尊貴品牌Kate Somerville
推出全新KateCeuticalsTM Clinic Reserve Cream (多元活膚重塑緊緻修護霜)
結合了臨牀驗證的護膚成分和先進的技術
當肌膚需要的時候，能針對及改善各種老化問題
讓肌膚能重新感受光采和青春，肌膚彷如享受
Kate Somerville Skin Health ExpertsTM Clinic（梅爾羅斯美膚院）的專業護理

 

它是專屬臉部和頸部的乳霜，能為肌膚帶來光滑盈潤、重拾緊緻細密、
煥發亮澤光采、以及改善因荷爾蒙變化引致的表面瑕疵!

亮點是能密集補水令面部輪廓顯著提升 
用後會有明顯改善肌膚密度和彈性 
使下垂鬆弛的肌膚重拾緊緻 
顯著地減少細紋和皺紋的出現
改善因荷爾蒙變化導致的表面瑕疵
令肌膚顯得均勻亮澤，煥發光采 
有效減退因皮膚屏障透薄脆弱而造成的泛紅現象

成份方面, 蘊含獨特胜肽能有效地將活性成分直接帶到肌膚有需要的位置
從而讓緊緻、彈性、抗皺的效果發揮到極致

亦含牡丹萃取，能抗禦肌膚老化，使肌膚飽獲滋養、回復密度及彈性、
以及重塑面部輪廓，重拾年輕肌膚和分明的臉龐 

再者, 面霜加入透明質酸，為肌膚注入豐滿及補濕，令輪廓變得分明 ; 當中的仿生芋螺毒素，衍生自芋螺，能即時放鬆肌肉，從而減少細紋和皺紋的形成 

另外再加上雪滴花球莖萃取物（又稱夏雪片蓮），能喚發肌膚光采，令膚色均勻亮澤 

雪滴花球莖萃取是擊退肌膚老化科技的一部分
它能捕捉及轉化球莖擁有的休眠功能和復甦能力到皮膚中 
蘊含辣木護膚成分，從古埃及時代起，就被視為對抗乾燥氣候的護膚品
是敏感乾燥肌膚最理想的保濕潤膚霜 
四肽-14 (Tetrapeptide-14)，有效減退因皮膚屏障透薄脆弱而造成泛紅
山藥萃取物，有效改善因荷爾蒙變化導致的肌膚老!

 

面霜質地相當柔滑, 延伸性相當高
不會太死實, 需要大力拉扯
幾乎不用上任何力度, 面霜就能夠全面推勻
再打圈按摩一下就已全部被皮膚吸進底層了!!!
親膚性極高肌膚覺, 得很舒服喔~




塗在面上一樣感覺舒服, 柔滑和輕盈!
不要以為針對熟齡肌的產品會很厚
個人覺得不會喲!
塗少少在面部和頸部, 它就能立即潛入肌底
再按摩一下, 你會覺得皮膚是即時亮澤和光亮了不少!

另外, 皮膚的彈性亦增加了不少~
滋潤, 修紋, 緊緻和保濕都相當不俗
皮膚按下去脹卜卜
彈力亦顯著增強
皺紋都淡了, 效果相當不錯喲!~

https://www.facebook.com/katesomervilleskincarehongkong/

我和ah bee的facebook開通了
歡迎來到這裡探訪: 

 Link : Bee Happy

<美味>~ 旺角樓上西餐廳@Mini Friday~*

周未通常都會外出食飯, 上星期六都不例外, 和媽咪二個去左旺角MINI FRIDAY食個午餐,

雖然天陰陰但無阻我地揾食決心XD

MINI FRIDAY 係朋友介紹比我的, 佢話食過觀塘果間, 覺得食物幾好食, 又唔會好貴,

於是我地就去左旺角分店去試下Lunch set

旺角店係樓上鋪闗係, 地方相對幾闊幾大, 空間感重, 坐得好舒服, 而且裝修都好別緻,

睇得出用左好多心機裝備~帶比食客舒服既感覺~

午餐set 選擇都有好多款, 普通salad到意粉, pizza, 雞扒, 羊扒, 牛排, 魚, 黑毛豬都有,

價位都係幾十元, 仲包湯, 小食, 主菜, 飲品, 免加一情況下好抵食!

我同媽咪點左一個炭烤牛肉眼扒, 另一款炭烤西班牙黑毛豬~

餐湯我揀左羅宋湯, 水準唔錯, 有淡淡既蔬菜同肉味, 味道唔會太酸~

之後送左一個烤餅? 呢個真心唔好味, 仲似擺左一段長時間, 咬左一啖就立即放下~

原來點lunch set 會每人送二件明太子燒雞翼, 雞翼雖然好似炸到過左少少火位, 但咬落去都夠香夠熱仲幾脆, 入面釀左滿滿明太子, 咬落去幾實, 食左一件都好飽~

主菜來了, 我的炭烤牛肉眼扒, 賣相唔錯, 牛扒幾大件, 伴碟除左有白飯外, 最驚喜係有紫薯同埋羽毛甘藍! 二樣都唔錯, 紫薯好香甜, 羽毛甘藍脆卜卜, 比我想像中好味~

炭烤牛肉眼扒 - 有陣陣炭燒香味, 肉味都幾夠, 好香牛肉味, 可能點左7成熟闗係, 牛扒有少少過熟, 切落去比較實, 但肉汁都好多, 整體感覺唔錯~

炭烤西班牙黑毛豬 - 媽咪話黑毛豬都唔韌, 有好香既炭烤味道, 唔錯~

最後母女二人點了熱奶茶, 奶茶唔會太濃, 淡淡的飲左唔怕失眠~

Mini Friday

觀塘興業街4號The Wave 3樓 

37059174  

<美味>~ 美而廉之選@美荻餐廳~*

 

尋晚同左表妹出左去深水埗睇衫, 睇完都差唔多七點了, 表姐妹二人決定出去食個茶記,

食完再買糖水回家吃~嘻嘻~

 

行到去差唔多北河街果頭, 星期日晚上唔係有太多好選擇, 見到有間叫"美荻餐廳"門面裝修唔差, 地方幾大幾乾淨咁, 價錢都好抵食, 仲有小菜套餐揀添~於是就推門入去食了~

 雖然係茶記, 但小炒套餐真心多, 幾十款任揀, 仲有海鮮揀, 全部都幾十蚊,仲包湯, 主菜, 大大碗白飯, 另可加錢叫飲品 (加六元熱飲), 真心抵食!

係OP 揾吓,原來大家都有叫脆皮豬手~

咁我地都叫一碟先~

脆皮豬手真係名不虛傳, 碟頭好大呀! 豬手皮炸到好脆好脆!!! 每皮都脆脆卜, 好好食仲一啲都唔死咸!! 而豬手肉又嫩滑又柔軟, 中間片筋食落口一啲唔肥膩, 食完覺得有好多膠原疍白入左肚, 

好好食呀~必叫!

每個餸都會跟一碗大白飯, 例湯同飲品, 脆皮豬手都唔例外~

白飯真係勁大碗, 不過大食既我就成碗KO左,

食完成個身暖笠笠呢~

原來深水埗既餐廳咁窩心又咁抵食!

 例湯 - 清甜既瓜湯都係大大碗, 唔覺好重味精, 好喝!

豉椒炒海蝦- 一碟約有十幾隻, 蝦就隻隻都有隻, 豉椒非常惹味, 蝦肉超級彈牙, 非常唔錯!

 

西蘭花炒蝦仁- 真心好味, 雖然蝦既調味係重味左少少, 但蝦真心爽彈, 好新鮮! 再加上西蘭花都炒到夠脆嫩, 用來送飯一流!

 

我地加左hkd 6 飲熱飲, 檸蜜好甜蜜xd, 而檸水既檸檬都算重手, 因為有成4-5片, 

仲唔係爛蓉蓉, 個人覺得呢間係一間相當唔錯又捨得比好野客食既餐廳~

下次冇飯開, 我又再來食過先~

美荻餐廳

深水埗元州街5-7號地下

23390821