這個月真的多了回家晚飯, 出外食飯少了很多..
連帶食評都一併少了~
某天媽咪在投訴, 說已很久沒帶她出去食飯
想起來的確是, 那好吧, 二話不說就帶她去了東園酒家食個晚飯~
東園酒家在灣仔, 地置超方便, 我由金鐘行了約十分鐘就到了!
這裡我都已食過幾次飯, 覺得價位都算不錯
而且地位都好闊落, 侍應服務相當殷勤
再加上食物真的好食
所以也是一來再來喲!
這晚母女二人分別點了:
乾炆魽魚煲
芝麻鹽焗雞(半)
上湯蒜子浸莧菜
是日靚湯
白飯(一碗Share)
先來的是芝麻鹽焗雞(半)
賣相都唔錯, 剛炸好就上桌
熱辣辣好香喲!
不得不讚呢隻雞真的做得好好食!!!
雞肉好嫩滑多汁, 好有雞味, 不過最精彩梗係芝麻雞皮吧!
用上芝麻塗在雞皮上一齊炸
真係不得之了! 好脆好滑呀成件雞皮
雖然心知食得多雞皮好勁胆固醇, 但呢個芝麻雞真係好脆口呀, 不能不食!
上湯蒜子浸莧菜 - 上湯味道清甜可口, 唔會死咸~ 炒香左既蒜子好惹味,而莧菜都唔錯, 唔會整到太濃味太咸太淋, 清清地幾好味~
乾炆魽魚煲 - 小妹係唔多食魚既, 所以呢款比媽咪評吓先
媽咪話魚都整得幾好味又唔腥, 將魽魚炸一炸先再炆整成煲, 相當香口惹味, 用來送飯一流!
輪到湯了, 是日靚湯係候頭菇廋肉湯喲!!! 呢度既燉湯係相當出名, 一大盅夠晒4-5人飲都係hkd 128咋, 而且湯飲落好足料, 口感好厚好純, 不過油份真係比較多, 隔一隔表面啲油就仲正了!
晚飯後仲送左碗紅豆沙添, 唔會太甜仲係起沙架, 超好味!!!
