<生活>~* 同靚靚準新娘去睇場兼試菜~*

雖然今年經濟好似唔多好, 但觀乎身邊好多朋友都抓緊機會, 想係2019年年頭拉埋天窗, 

就以我身邊為例, 連最唔在乎結婚既好閨蜜A小姐都揀係出年結婚,

佢話忽然想通, 好想揾個人甜蜜咁過下半生

咁好彩又比佢極速揾到個荀盤, 所以係上個禮拜

就拉住我話要同佢一齊睇睇場同試下啲酒席菜喎~ 

呢度我都有好多朋友選擇係度結婚擺酒

佢地話禮堂夠大又有氣勢, 而且酒席質素好好

比起出面油尖旺啲酒樓小酒店仲要相宜

而且仲有專人幫你跟到足, 真心覺得好好!

 

講番酒席, 一定係成個婚宴既靈魂,

試諗下, 去到婚宴當然除左要恭喜一對新人外

比左人情都想食番餐好少少,  

如果主人家預備既菜式令你失望

相信之後你既名字會出現係好多Whatsapp group

隨時比人唱到面黃啦

呢啲錢真係唔慳得....

今次試左4道菜, 全部都係佢地既招牌菜, 新人們可以參考一下~

首先係蝦仁炒帶子 -賣相好靚, 圍邊既雕花要記一功! 帶子粒粒脹卜卜, 食落去好夠鮮味而且非常彈牙, 再加上又係好爽既大蝦, 食到我地咀lam lam~

炸蟹拑 - 蟹拑炸到好爽口又好脆, 一啖咬落去, 入面釀左好多蝦膠, 好夠鮮味, 真係好好食~

另外值得讚既係用左一個切左既蕃茄裝住用沙律醬, 又靚又夠心思~

  

鮑汁燴花膠 - 鮑汁好惹味又唔會太咸!!! 花腸bb 好大塊呀, 用刀叉逐塊切出來食實在太正了!
另外鮑魚都唔錯, 一樣咁彈牙, 用呢款招呼親朋一啲都唔失禮呢~

 

紅燒海皇翅 - 冇得輸, 湯底調得啱啱好, 唔會太杰太稀, 入面啲翅群都好多, 仲有大量惹味肉絲,
好食呀~ 

食左4道菜, 我地大家都覺得好滿意呀, 隔離位準新娘子已準備掏出信用咭添
驚爆左場BOOK唔到好日子, 
我話HOLD 住先呀, 睇埋個場先啦, 咪咁恨嫁啦~~

由門口一入去, 就已經感受到好大既空間感~

啲燈光效果做到好好, 我見啲雪花打落去枱度牆度都好靚!

如果配埋立體新力聲音響, 相信所有FEEL都出晒黎呀!!!

好浪漫呀!

呢度係Reception desk, 來賓進場前可以係度直接check in, 咁就唔會混亂la~

張枱都幾大幾靚咁, 呢個tiffany blue 比起酒樓果啲大紅大紫真心靚好多~

 入到去就係證婚既地方, 職員話呢度可以比招呼到百幾二百位賓客一齊來見證婚禮,

原來呢度足足有2000呎呀! 真係勁大勁有空間感呢~

而且呢度可以擺放好多梳化位, 咁早來既賓客就可以坐住食下野飲下野了~

 呢度就係bar 位了, 婚禮當日可以準備飲品比來賓架~啲灯灯同擺設好鬼死靚呀!

  

入到去就見到個宴會廳 了!  

咁大既禮堂原來可以筵開60席添~~

咁就算係大家族同埋親戚朋友較多, 都唔會冇位坐了~~

每圍都可以坐到12-14人架, 而且都好闊落, 唔會迫迫杰咁, 頻頻起筷都唔怕整到人啦~

個舞台又係超大超靚!!  

足足有50呎既大舞台可以應付所有新人既所需, 例如可以請啲兄弟姐妹出來玩下一對新人, 又可以請雙方老爺奶奶同埋親戚上台講下新人既有趣故事咁,

台邊仲放滿晒花花, 好浪漫好靚呀!

水晶灯又係華麗到一個點, 配合埋影響同埋燈效, 仲浪漫仲有現場感呀~

舞台側邊放有Live Band, 現場大樂隊, 可以即場奏出美妙既音樂, 大大增加現場感

令到成個畫面仲感人呢~

  

呢度仲有行禮要用既野添, 唔錯喎, 唔洗另外再買過, 慳番一大筆!

 大宴會廳隔離原來可以再間廳架~~~如果新人圍數比較少, 可以選擇用細少少既廳房,

而且它地隔音設備好好, 兩個宴會既聲音會完全隔開, 唔會聽到人地玩緊咩遊戲呢~

細廳一樣有齊埋一齊所需要既設施, 接待位一樣既闊落, 仲有白色鋼琴可以演奏,

都幾Cozy幾温馨架~

好了, 來到我地女仔都好關心既新娘房啦~

記得我家姐結婚時, 因為係酒樓擺既闗係, 個新娘房細到....而且保安又唔係咁好,

啲貴重野就算lock起左都好担心, 因為又細又侷既關係, 我地大班姐妹都入埋廁所換衫,

攪到倒瀉籮蟹咁....

 呢度就唔同了, 一入到去新娘房, 真係嘩左出來! 因為地方實在好大, 都有幾百呎面積,

而且兩邊放滿sofa, 係出面企到攰都可以入來坐下鬆下

另外呢度都有齊新娘同姐妹要用既野,

風筒、熨斗、夾萬全部準備好晒

咁就唔怕係big day 度掛一漏百啦~~~

真心覺得冇野可以彈~

睇左大半日, 美女準新娘表示相當滿意, 話未來老公果邊好多親戚,好大堆頭,
book 呢個場就可以筳開60圍, 
咁未來老爷奶奶就有晒face啦~
而且聽staff 講, 如果預訂今年至2020年既酒席
全單仲唔洗加一添呀!
果度都可以慳到幾萬
我慳妹同佢度一度,  每圍酒席慳慳地都係維起四千幾蚊一圍
比起出面果啲酒樓仲要平好多
環境靚, 食物又唔錯, 準新娘都攞左老公仔比佢既信用咭做左deposit了~~~

我和ah bee的facebook開通了
歡迎來到這裡探訪: 

Link : Bee Happy

<美肌>~* Kiehl’s x 插畫家 Andrew Bannecker 節日限量版系列~*

 Jungle Bell Jungle Bell Jungle All the Way!

Xmas is just around the corner~

各位可愛的女生相信都在苦惱送什麼又好用又美美的聖誕禮物給自己又或朋友吧~

小妹我有好介紹呢~

大家很喜愛的Kiehl’s

與插畫家 Andrew Bannecker攜手合作

推出一系列很有節日氣氛的產品

那大家都可以美美的過聖誕呢~ 

今年，Kiehl’s與插畫家Andrew Bannecker聯手合作

呈獻6款限量產品 !!! (星星眼中)

Kiehl’s及Andrew Bannecker將兩者共同對藝術的熱愛

打造一系列Kiehl’s節日限量版系列的包裝設計

禮品陣容豐富，包羅載譽歸來的皇牌產品

包括有節日限量版經典潤膚乳(Crème de Corps)、

經典潤膚乳霜(Crème de Corps Whipped Body Butter)、

特效保濕乳霜(Ultra Facial Cream)、

金盞花植物精華爽膚水(Calendula Toner)、

深夜奇蹟修復精華露(Midnight Recovery Concentrate)、

檸檬奶油護唇膏(Untinted Butterstick Lip Treatment) 

與玫瑰桃紅色調檸檬奶油潤色護唇膏(Simply Rose Butterstick Lip Treatment) 

Kiehl’s與Andrew Bannecker這次合作不單為護膚品愛好者帶來無限節日喜悅，多姿多采的禮品選擇，更可滿足不同的送禮需要。

過往Kiehl’s曾與不少全球著名的先鋒藝術家合作

如Jeff Koons、KAWS、Kenny Scharf、Peter Max、Jeremyville、Kate Moross等

甚至是經典卡通人物米奇老鼠

今個節日，Kiehl’s將延續藝術聯乘傳統，夥同插畫家Andrew Bannecker 

一起打造創意無限的合作企劃

看這個有着不同聖誕節日圖案的化妝包包就已令人雀躍萬分！

包包印着可愛的星星，車仔和燈泡

可愛得意的圖案令人時刻都有着好心情呢～

大家是否很想要這個限量版可愛小包包呢～

Andrew Bannecker 限量版化妝袋* 凡顧客購買產品或節日禮品套裝滿HK$1,200 即可獲贈Andrew Bannecker 限量版化妝袋乙個 凡購買滿HK$1,500  更可獲贈Andrew Bannecker 限量版化妝袋乙個及精裝版試用裝4件

 

 

另外Kiehl’s的產品都換上了很有節日氣氛的聖誕包裝了
大家都不要錯過啦～

為大家介紹幾款經典產品先～

 

經典潤膚乳(Crème de Corps)

建議零售價 : HK$285 (250ml) ; HK$475 (500ml)  

 

深受顧客喜愛的身體護理產品，其超級滋潤配方蘊含β-胡蘿蔔素(Beta-Carotene)、優質橄欖油(Squalane)和滋養油分， 令肌膚柔軟嫩滑，充份滋潤，是乾性及極乾性肌膚的理想產品

金盞花植物精華爽膚水(Calendula Herbal-Extract Toner)

建議零售價 : HK$300 (250ml)  

一直深受顧客擁戴近50年的皇牌爽膚水，成分萃取自金盞花和金盞花瓣
不含酒精，輕輕一抺，立即讓肌膚感覺柔順、清新，充滿活力

適合中性至乾性，或中性至油性肌膚類型使用

特效保濕乳霜(Ultra Facial Cream)

建議零售價 : HK$295 (50ml) 

質感輕盈的保濕面霜， 帶給肌膚舒適感受及均衡狀態

配方提供24小時強效保濕，持續補充肌膚水分

並能抽取及吸收空氣中的水分，幫助減少肌膚水分流失

https://www.facebook.com/KiehlsHongKong/

http://www.kiehls.com.hk

我和ah bee的facebook開通了
歡迎來到這裡探訪: 

Link : Bee Happy