<美味>~ 坐得舒服、味道唔錯既@瘋狂小面~*

上星期, 係中環返工既好朋友, 忽然話可以放工同我晚餐

於是就立即去中環等佢啦~

去到中環, 佢話想食麵, 仲想食麻辣少少既, 與其係去譚仔同人迫

不如就上樓上鋪坐得舒服少少, 慢慢食!~

 我地揀左瘋狂小面, 主打麻辣味小食同埋麵食, 環境裝修唔錯, 幾有中國風味,

價位方面, 可以有三個選擇; 

1) 一款湯面/干面+飲品= HKD 73

2) 一款湯面/干面+飲品+小吃/甜品 = HKD 83

3) 一款湯面/干面+飲品+小吃+ 甜品= HKD93

要齊四款, 咁加一後都係一百蚊, 坐得舒服招呼唔錯, 都幾抵食呀!

朋友叫左瘋狂牛肉面,   藍蝶花雪梨水, 燒椒茄子, 成都老冰粉

我就叫左 瘋狂豬肝面, 冰糖雪梨汁, 泡椒鳳瓜, 成都老冰粉

瘋狂豬肝面 - 好好食!! 其實湯底可以點紅湯(麻辣)或白湯(少少辣, 但有點黑椒味)

我就大無畏點紅湯BB 辣, 湯底好香好惹味, 舌尖沾了點湯, 隨即有少少彈彈之感

唔太辣但好過癮!!! 另外豬肝薄切, 咬落更加脆口又冇難聞豬味

面都好彈牙好爽口, 整體感覺美味!

瘋狂牛肉面 (白湯) -不嗜辣的朋說白湯都好有難度! 不過面都好彈牙,牛肉夠肉味又軟綿綿

索滿濃湯更加美味!

燒椒茄子- 呢款唔辣, 口感好清新, 茄子弄得啱啱好, 唔會太硬太實, 淋淋地幾好味!

泡椒鳳瓜 - 我的至愛!!! 鳳瓜彈牙爽口, 川椒少少麻而不辣, 一客三件剛好!

  

藍蝶花雪梨水、冰糖雪梨汁 - 解辣良品, 雪梨清潤多汁, 藍蝶花雪梨水口感冰涼, 二款都唔錯!

成都老冰粉 - 有啲似客家擂茶感覺! 底層係冰粉, 有少少啫喱口感, 上面有少少花生芝麻白米等等, 口感豐富, 食落幾清涼!

瘋狂小面

中環士丹利街66-72號佳德商業大廈1樓 

23113905