上星期六, 見有空檔,連忙約左表哥出來談談佢既婚禮, 睇吓有咩要幫手~
我地約左係尖沙咀等, 我就負責揾間餐廳, 係厚福街附近揾左陣, 見到有間樓下食西餐,
好似唔錯, 有SET LUNCH 而且環境佈置幾靚, 於是就WALK IN入去
環境唔錯,玻璃窗夠多夠大, 映入來既都係和暖既陽光, 地方乾淨企理, 木造既枱都令到環境好雅緻! 坐得好舒服呢~
周未仲有Set lunch, 價錢唔貴, 可配湯/沙律/甜品(選二) 再跟主菜+咖啡茶, 加一後最貴都係一百蚊, 個人覺得以呢個質素來講, 好抵食!
我點左湯, 沙律同紐西蘭西冷配野菌汁+ LATTE
表哥點左香煎豬胺配蜜糖汁+ LATTE
蕃茄忌廉湯很想上枱了! 賣相不錯, 香濃的蕃茄口感不酸, 加上忌廉令到味道更加香滑,食完又唔會滯口,反而是胃口大開, 好想食多啲野..哈哈!~!
沙律都唔錯呀, 份量十足, 新鮮既沙律菜脆卜卜, 再加上粟米粒, 蕃茄仔和青西瓜, 淋左少少醋係上面, 令到成個味道好清新好開胃呀!
香煎豬胺配蜜糖汁- 豬胺煎得啱啱好, 而且件頭大, 咬落去真係好嫩滑, 而且充滿肉汁, 亦出奇地擺脫左難聞既豬味(我真係好怕Mc記豬柳扒果陣豬味), 配上香甜既蜜糖汁,又抵食又好食!
紐西蘭西冷配野菌汁 - 超好味!!!! 用上新鮮野菌來做汁, 好香好惹味既菇味, 令人胃口大開,
西冷肉質嫩滑, 牛肉味道突出, 燒到燶燶地仲好食, 除此之外, 配菜既馬鈴薯, 蕃茄仔同椰菜花都好好食呀!!!
整體食物質素突出, 價錢唔貴, 物超所值!
餐飲點左latte, 飲品一啲都唔馬虎, 咖啡味道香濃, 奶香啡滑, 入口醇和, 為完美既一餐劃上句號!
下次會再來食, 好味!
Y Show Tasty
23212520
沒有留言:
張貼留言