<美味>~ *鮮到一個點的90分鐘任食放題@日日涮~*

媽咪同我最鐘意打邊爐了! 上次去完美孚食日日涮後, 自始念念不忘,

除左價錢唔太貴外, 食材又充足, 海鮮刺身全都好新鮮,

諗起就想再去了!

終於我地揀左星期六中午再去, 閒日既中午客人好彩唔算太多,
坐得好舒服, 任食區唔會堆左好多人, 可以開開心心咁食野, 唔錯呀!
另外環境都好乾淨同舒服~
 

 日日涮是90分鐘任食放題, 而有多種不同的肉類自選, 由最平既特級美國肥牛 (HKD 108/位)到最貴的日本霜降和牛放題 (HKD 338/位)都有, 而且包任食蔬菜、菇類、各式丸丸和飲品, 還有雪糕添, 都幾抵食呀!

想食得招積? 仲可以每位加HKD 150升級, 咁就可以任食刺身拼盤同海鮮盛合啦~~~

 

湯底方面都有幾款選擇, 我地揀左鴛鴦湯底, 係甜甜地既壽喜湯同豬骨濃湯~
湯底都好清甜~

放低湯底後, 就可以立即走向中間位罝既任食區, 任食蔬菜、菇類、各式丸丸了!

呢度選擇超級多, 單係丸丸就有十幾款選擇, 另外仲有金菇、瓜類、粟米、烏冬、豬紅、
腸仔、唔同既餃子....真心太多好選擇, 令人花多眼亂!

豬紅、蕃茄、 另外有大量唔同既餃子同魚丸, 我試左大半左右, 全都好好食, 好新鮮,
索埋啲好味既壽喜燒汁, 相當Yummy!

因為選擇太多, 每樣試少少都足以夠填飽肚子了,
味道全部都好好, 蔬菜脆嫩, 丸丸好彈牙好鮮味,魚皮都香脆好味呀,
難怪隔離枱只點一款任食放題肉, 埋單每位只係百二、三元, 個個都話好抵食呢~

因為只食這些配菜都已值回票價了!
 

 各款本地、台灣汔水、烏龍茶、果汁任君選擇, 無限添飲~隔離仲有牛奶公司雪糕, 

全都可以任食!

不過我地加錢upgrade左食Haagen Dazs或movenpick呀~

Haagen Dazs / movenpick 有幾款不同選擇, 平時出面買要成三, 四十元一盒, 現在吃一盒都已值回票價了!

我同媽咪試左日本霜降和牛和澳洲和牛放題, 兩款都超級好食! 日本霜降和牛油花分佈平均, 

係滾湯燙一燙就可以食了! 牛肉味道芬香濃郁, 入口即溶, 好好食!

 

另外澳洲和牛都好好味! 佢既牛肉味更加濃郁, 比較有口感, 好牛者必點!

 

我同媽咪都upgrade左套餐, 所以有好靚既任食刺身拼盤, 有着新鮮的魚生清香味, 顏色都好有光澤, 是新鮮貨來的!

味道方面, 我覺得全都不錯喲! 大蝦肉好爽, 三文魚肥美多油, 相當美味!

 

 來到重點項目- 是海鮮盛合, 包括有南非龍蝦、蟶子皇、花甲、扇貝及生蠔等~

陣容極度豐富, 尤其那隻紮紮跳的南非龍蝦更是焦點所在~

 南非龍蝦夠大隻, 肉質又厚實又甜美, 而且蝦頭有好多又香又甜既綠色蝦羔, 超級美味! 

上枱前雖已被切好, 但仍是跳紮紮, 好好好新鮮!

 個人覺得加hkd 150實在是相當抵, 這會價錢食到咁多新鮮又生猛海鮮, 相當唔錯!

海蝦都不輸蝕, 隻隻都幾肥身, 而且肉質又爽又彈牙!

  
蟶子皇清理乾淨, 食落去清甜又爽彈而且無砂!

帶子肥大肉厚, 充滿濃濃新鮮海鮮味, 味道清甜, 群邊爽彈~



日日涮
美孚百老匯街69-119號美孚新邨第4期美孚廣場3樓平台P01-P02號舖
29822231