<美味>~* 精美麵包。花茶@ BEAT Bakery~*

最近行過中環士丹利街，見到午飯時間有一間餐廳人來人往, 探頭一望,原來呢間新開既餐廳都幾特別, 因為一間食店就有齊麵包西餅、日本食物(包括壽司刺身飯等等)等等, 真正一間就滿足晒所有朋友既要求同需要!

因為剛好食過Lunch, 見到麵包西餅櫃放左琳琅滿目既靚靚西餅同麵包, 外表全部都好精美!

就好似我地平日好中意去深圳食喜茶同奈雪之茶果啲靚靚麵包咁, 不過而家唔洗專程去深圳, 

因為呢度既水準比深圳仲好食!

買左幾款麵包同西餅試下先, 細問之下原來呢間食店係翠華名下, 果然大有來頭, 

店中分三間店, 分別精緻麵包類  - BEAT Bakery; 高級西餅類 - Chez Shibata 同埋日本料理- 廿一堂等等~

我分別點了四款麵包, 包括火紅龍捲風、薯薯家族、藍色風暴、黑色幽默等等~

火紅龍捲風 - 粉紅色超吸晴! 這裡的麵包標明是用上百份百日本麵包, 天然酵母, 每天新鮮製作, 難怪麵包食落去又軟熟又煙韌、而且堅果和提子超多, 好有咬口和質感呢~

薯薯家族 -原個蕃薯加左係包入面, 一啖咬落去, 蕃薯既甜同香滲左係入面, 再加上入面仲有一大層紫色既薯蓉, 令到整個包更加鬆軟、更加好味!

 黑色幽默 -以黑色搶眼造型, 麵包皮用上墨汁來整, 而入面就用左芝士、火腿、洋蔥、芝士粒等等, 食落去辣辣地好惹味!

藍色風暴 - 造型靚靚, 呢個藍色實在好吸睛! 原來藍色係用左蝶豆花來整, 唔係用色素架~

而入面係藍莓軟芝士包, 芝味濃郁, 而且口感QQ, 唔會太滯口, 清爽好味!

 

 

最後來個靚靚又清香既蝶豆花茶, 用上火爐仔來烘着, 飲時有淡淡清香既蝶豆花香味, 

加少少蜜糖, 正正中和左麵包既油膩感, 飲落去好舒服, 唔錯~~

BEAT Bakery

中環士丹利街33號地舖  

28815628