<美味> ~* <四季文昌 X 茶作>@ 四季文昌~*

一向係四季文昌既FANS, 因為我覺得佢既椰子雞湯煲真係好好味!!!
個湯底好清新, 雞肉好嫩滑, 所以由佢一開張到而家
我一直都有去食架~

最近係FB 知道佢地推出左新菜單
今次好正呀, 係<四季文昌 X 茶作>
用上淡淡茶香融入嫩滑既雞湯
想想就流口水了!

所以早上個星期, 我就拉住好朋友去左試了~

就係呢個餐了!!!



四季。茗茶火鍋套餐 - 二至三人用, 價位約HKD 528,
除開一位都係百零蚊
但就有好多野食呢
抵呀!!!

 

火鍋套餐包括:

椰子普洱文昌雞鍋(半隻)

濃香大紅袍流心疍(兩隻)

茶作火鍋拼盤(鐵觀音蝦丸豬肉丸, 鐵觀音鏽袋)

手切黑安格斯牛小排

紐西蘭月亮貝

日本直送野菜籃

稻庭烏冬

茶作雪糕三品 (海南青桔, 蜂蜜苿莉花龍珠, 大紅袍)

 

侍應先準備半隻椰子普洱文昌雞, 並開鑪及計時, 一夠鐘就可以先飲湯和食左嫩滑既雞先, 之後再加湯作火鍋之用, 文昌雞湯湯頭一貫甜湯美味, 飲唔出有味精, 而且今次佢仲加左少少茶係裡面, 所以湯底除左有雞精既濃郁、椰子既清甜, 仲有淡淡茶香, 好好飲呀!!!

 

當然雞隻都相當嫩滑, 睇吓, 隻大肥雞脾幾鬼吸引!!
大約滾一個沙漏既時間, 就可以食了!, 雞肉好滑好新鮮呀~
不過當然要快快食喔! 如果唔係就會愈滾愈老架LA~

濃香大紅袍流心疍(兩隻) -唔好睇少佢呀,用上濃香既大紅袍來弄成, 流心疍帶有陣陣茶香味, 疍汁四溢,吃後口腔留有餘香, 好好味呀!

茶作火鍋拼盤(鐵觀音蝦丸豬肉丸, 鐵觀音錦鏽袋)
 

鐵觀音錦鏽袋 - 造型可愛,好似元寶一樣, 裡面釀滿蔬菜和菇絲, 索滿鮮雞汁, 再加上鐵觀音的味道,令人回味!

鐵觀音蝦丸豬肉丸 - 非常新鮮的肉丸, 每粒都滑滑彈彈, 唔係死實的下貨, 非常美味!

 

 

手切黑安格斯牛小排 - 油花分佈完美, 薄薄的一片, 在滾湯中拖幾下就食得了!!!

牛肉味道香濃, 沒有酥味, 而且食落去有點點油份, 好嫩滑又唔老, 好食!

紐西蘭月亮貝 - 好鮮甜既大蜆!! 肉質好好好清甜呀!! 而且清潔功夫十足, 完全無砂, 食得暢快!

 

日本直送野菜籃 - 蔬菜係由日本直送, 所以特別脆、爽、甜!!!仲有菇菇同埋南瓜紅蘿蔔添！

 

稻庭烏冬- 粗幼適中, 彈度十足, 就係滾耐左都唔會起漿, 好食呀!
　

茶作雪糕三品 (海南青桔, 蜂蜜苿莉花龍珠, 大紅袍) - 三款都好FRESH好清新!!

帶茶味既雪糕永遠都係咁吸引!!! 三款之中我覺得海南青桔比較特別, 因為口感似青檸雪芭,
食落去酸酸甜甜, 好開胃呢~ 而另外既二款, 中意茶既朋友一定中意, 包括我在內!
因為有好清香既茶味, 食完覺得好滿足呀!

最後點左二杯飲品- 分別係菠蘿特飲同椰青!!

文昌既飲品一定唔錯, 呢杯 菠蘿特飲好冰涼, 而且味道好濃厚, 一啖飲落去透心涼, 伴火鍋就最啱飲了!

朋友話佢既椰青都比出面既好飲, 椰子夠大又多汁, 好清甜好好飲!

四季文昌
旺角荔枝角道33號百匯軒地下及1樓全層  
24992700