<美味>~ 真材實料烏冬店@一樂烏冬 ~*

平時星期六如果媽咪唔洗返工, 通常我地都會出去食個晏仔~

上星期咁啱佢又唔洗返工, 可以陪我食晏了~

因為去完旅行肥左好多, 所以想食輕一啲

聽朋友講長沙灣有間食烏冬好好食

所以就去左食了~

 一樂烏冬- 一去到, 客人真係幾多, 但入面都真係有少少細,

坐到好迫呀!

而且我個位都幾近廚房, 有熱氣衝出來, 再加上冷氣時好時壞

所以成餐飯就又熱又涷了~

不過服務員姐姐都幾好, 個樣仲有啲似周秀娜添, HAHHAHA~

 

我同媽咪點左烏冬, 餐廳先送上每人一個沙律, 沙律都幾新鮮, 菜好爽甜, 仲有好多魚子添!

我既豬軟骨烏冬- 湯底好濃好正呀!!! 淡淡豬骨香味飄來!!! 入口味精味唔重, 感覺真材實料,

再加上豬軟骨好入味好有咬口, 主角烏冬又彈牙, 成個都好好食呀!

芥苿八爪魚- 夠新鮮!份量唔算少, 八爪魚食落去好鮮甜, 再加上微辣既芥苿, 正!

叫左個鮮魚湯, 本身只係十幾廿蚊, 但一入口, 嘩!!真心覺得好似媽咪係屋企整果啲鮮魚湯, 

魚味超香濃, CP值極高, 必叫!

最後叫左章魚小丸子- 入口熱辣辣香噴噴, 原粒爽彈章魚, 粉漿又唔厚, 真心正!

一樂烏冬

長沙灣順寧道98號美寧中心A座地下8號舖

65949633