<美味>~ * 美味依然@新蒸武門~*

說起觀塘精彩同埋推介食店, 除左各間CAFE外
我自己好中意去新蒸武門!
唔好以為呢間係食蒸點心呀
其實係食好味既中菜~

上星期係母親節, 由於唔想同人迫
所以早早就係呢間BOOK左位
同媽咪預祝母親節了!

已經差唔多成大半年冇來,
餐廳明顯裝修左, 變得比之前簡單和舒服了!
而且明顯愈做愈旺闗係
客人真係好多,所以要來既朋友就要預先訂枱了~

我地今次點左個4人餐,
點完餐後, 服務員好快上左個養生茶比我地
有紅棗杞子呀, 感覺茶味濃厚,多喝有益
比坊間的食店做得更好!



呢個4人餐包括有:

蒜香薰蹄拼五香牛展
足料燉湯
冰鎮鮮鮑魚
乾燒虎蝦
薑蔥霸王雞
籠仔蒸龍躉腩
黑椒豬柳
蒜蓉炒時蔬
蝦頭油炒飯

蒜香薰蹄拼五香牛展 - 碟頭大, 足夠4位用, 薰蹄和牛展都做得唔錯, 尤其喜歡薰蹄,
肥廋適中, 咬落去充滿蒜香, 又唔會太肥膩, 幾好食!

足料燉湯 - 是日可選雞湯和豬展湯, 我因為咳, 選了豬展湯, 感覺幾夠味幾足料, 而且又唔會太重味精, 似在家媽媽親手煲既足料靚湯

冰鎮鮮鮑魚 - 成餐飯既亮點! 係餐廳必食推介!  鮑魚用冰鎮做, 咬落去非常彈牙,
而且感覺好鮮甜, 仲一啲都唔韌, 係非常非常好吃!
難怪我隔離枱一坐底就話要點此菜了! 成為名菜不無道理!

乾燒虎蝦 - 虎蝦隻隻都夠大, 醬汁好好味又唔會太搶, 而且燒到蝦瞉好脆,
但蝦肉就好嫩滑好爽脆, 二口就食晒了!




薑蔥霸王雞 - 雞肉超嫩滑, 尤其係脾位部份, 滑到想連皮食! 而且薑蔥汁令到成隻雞食落好惹味!

 

籠仔蒸龍躉腩 - 我唔食魚既, 不過媽咪話龍躉腩好滑好肥美!食完有啲漏,飲杯茶解吓滯先~

黑椒豬柳 - 送飯一流, 黑椒惹味又唔太搶, 好彩唔太辣, 豬柳炒得好入味但又唔鞋, 正!

蒜蓉炒時蔬 - 清新香口, 每條菜都有陣陣蒜香包圍, 而且好翠綠好脆!


 蝦頭油炒飯 - 漏左單冇上比我地, 不過因為太飽闗係, 唔想浪費食物所以冇追~尤佢~

新蒸武門

觀塘開源道60號駱駝漆大廈3座1樓Q室 

35656121