<美味>~ 野好好食又唔貴@名館~*

上星期媽咪話要來黃埔AEON 買煲, 買完後就順便到對面既美食坊間餐,

因為買完都7pm了, 見黃埔都開左好多餐廳, 剩係美食坊都有十幾間,
要試齊都要花唔少時間~

 

 

左揀右揀下, 卒之揀左去食中菜既- 名館

揀佢既原因, 除左因為全間餐廳都坐滿食客, (連出面等位都好多), 另外望吓價位都幾合理,

而且既菜式似乎係上海菜+中菜, 感覺幾多野揀幾唔錯咁

地方都好闊落, 所以今晚就係度開飯啦~

  

 

私房金黃球泡飯-呢款似乎係鎮店名菜, 因為我見每枱都有點~~~

賣相相當別緻, 以原個煲盛着湯來上桌, 湯中間有一個圓圓的球體, 原來係飯來的~

侍應教我們一邊把湯熱着, 一邊用湯淋上飯團, 湯係好鮮味既蕃茄肉粒粟米湯, 唔好以為蕃茄湯就冇咩特別, 非也, 呢個湯頭真係好足料好鮮甜! 

湯用左大量既蕃茄, 肉粒, 粟米粒, 菇菇粒等等來煲, 所以係好甜架~再加上飯粒已吸收湯既精華, 熱熱咁食落去, 真係好好食呀, 唔怪之得每枱都點啦~

養肝心燉鷓鴣 - 因為原隻鷓鴣用來清燉既關係,湯頭好甜, 而且好滋補呀, 一啲都唔會好油膩, 原盅老火湯真係好補身~

姖松茸燉花膠- 養顏滋補!!! 肉上大量廋肉來熬湯, 湯頭都已好金黃好甜了!再上滋補既花膠同松茸, 就更增加了營養價值和花味, 女仔飲完皮膚又滑又彈, 膠原喲!

五仁口水雞-  睇來好似好辣, 但食落去係多麻少辣, 好香好易入口, 雞件都好嫩滑, 食落去唔鞋, 好食呀!

 

黑金流沙包-呢款我係富臨集團都食過了(其實係咪同一集團), 流沙疍黃極度惹味, 真係冇得輸!
不過要趁熱食呀, 涷左唔夠流心架la~~~

總括來講, 呢度啲野好好食又唔貴, 會再來食過喲~~


名館
紅磡黃埔新天地美食坊(第8期)1樓113號舖  
21229089