<美味>~* 蟹粉飄香、用料豐足@富臨薈~*

呢二日天氣好似涼左少少, 又正值食大閘蟹季節, 所以媽咪呢派都有提議去食番餐正正既大閘蟹宴~~

作為孝順女一員既小妹, 當然去OP 揾揾啦~

我地揀左去沙田既富臨薈, 因為最近酒樓推出左幾款好食既大閘蟹菜, 除左有
大閘蟹食, 仲有蟹粉炒飯、蟹粉炒面、蟹粉小籠包等等, 睇相好似幾唔錯, 所以就起行!

富臨薈都唔係第一次來, 一直都有幫襯, 地方大, 乾淨, 店員訓練有素, 勤快有禮好笑容, 

食物無論小菜同點心都又靚又好食, 價位都還可以,合理價錢~

今次點左幾個菜, 包括:

招牌燒乳鴿

夠薑薑汁糕

蟹粉小籠包

蟹粉多士

太湖大閘蟹

蟹粉花膠會燕窩

蟹粉扒雪山

蟹粉疍白炒飯

枸杞黑糖薑茶 

 好豐富喲!!!!!

招牌燒乳鴿 - 

BB妙齡乳鴿係呢度名菜之一, 皮烤得好脆, 而且
乳鴿肉相當嫩滑, 每次來都要食呢個, 好好食!

夠薑薑汁糕 - 煙煙韌韌, 好QQ好彈牙!! 薑汁味道好突出, 有少少辣喉, 而且味道又唔會甜(微甜)來中和大閘蟹既寒, 好食!

蟹粉小籠包 - 

一人一隻用籠仔上桌, 蟹粉小籠包大大隻, 入面好彩唔係有太多肉汁, 最怕一咬彈晒啲汁出來!

入面釀左好濃厚既蟹粉同碎肉, 再加上美味既蟹羔, 配以鎮江醋, 令人回味無穹!

蟹粉多士 - 炸到脆脆卜就上桌, 好香脆呀!!!! 成塊多士食落一啲都油, 炸漿又唔會太厚, 

不過最精彩係上面既蟹黃, 濃郁又好味! 

 

  

太湖大閘蟹 - 雖然SIZE唔算太大隻, 但蟹都有好多羔呀!!! 手手腳腳都有幾多肉,蟹羔濃郁鮮甜, 食完齒頰留香~~~ yum!!!! 

細細隻食完仲有 Quota食其它蟹粉料理~

  

蟹粉花膠會燕窩 - 

全餐亮點之一- 以原個盅再以蠟燭烘着, 所以食到最后都係熱既, 好好食呀!!!

材料豐富, 包括濃郁既蟹粉, 花膠同埋燕窩, 濃稠度恰到好處, 唔會太杰漿住咀吧和喉嚨, 

食到濃郁既蟹粉味道, 亦有趙頭不少既花膠同矜貴既燕窩, 好好食!

蟹粉扒雪山 - 

雪山指菜絲, 爽口不淋, 旁邊淋上大量既蟹粉, 份量多到令人昨舌, 蟹黃
蟹粉味道濃烈鮮甜, 食時將菜絲同蟹粉撈勻, 入口出奇地夾, 好治味!

  

蟹粉疍白炒飯 -

再來encore蟹粉, 蟹粉份量又係多到嚇親, 疍白炒飯唔會太淡, 本身都有淡淡疍白香味, 再加入剛才既菜絲同足料蟹粉, omg, 實在難以用說來形容, 自己試試吧~

枸杞黑糖薑茶 - 

食完咁多蟹, 當然要飲番杯黑糖薑茶驅寒!!! 

呢杯枸杞黑糖薑茶好足料!! 入口好"梗" , 薑既味道好好好刺激, 而且熱度直入喉嚨,

好足料, 對於中意飲薑茶既我, 覺得好唔錯~

這餐蟹粉宴, 媽媽同我都表示極度滿意, 趁入冬前再來吃!

富臨薈

沙田正街11-17號偉華中心2樓9A-9B舖 

25700168