<美味>~* 要快手搶呀@Marco's Buffet~*

爸爸突然早回家, 就提議出去食飯, 見時間尚早, 於是大家就同意去接爸放工,
順道到他公司附近的絲麗酒店食個Buffet~

去這間食既原因係因為爸說見價錢好似幾抵, 由六點食到十點都係二百元左右~ 

可能這間酒店是接待大陸客居多, 所以價位較低, 而且我地埋單時, 侍應說如席間有客人六十才以上就有全單折扣, 計起上黎人均約二百元左右, 又真係幾抵 ~ 

  

就係呢間了- Marco's Buffet, 係酒店既1樓, 上出lift就聽到入面好熱鬧既聲音~~

不過既然知道應有很多同胞在內, 所以都要有心理準備要搶食了XD 

我地630PM到來, 原來已很遲了~ 因為入面已坐滿人, 而且看來已食了好一段時間, 因為枱上都放左好多食過同新拿既食物...

現場睇來人真係好多, 全院滿座, 而且年紀大既朋友又佔多數, 大陸同胞都唔少~

坐低後, 侍應好快上龍蝦比我地, 每人可以有半隻焗龍蝦, 龍蝦都幾大隻, 而且焗得都好香, 美味!

 

 

講番Buffet先, Buffet 主要分4個sections, 第一區是由法國人(我估xd)主理既pancake、pasta同羊架~

upon order, 法國人就會開動這個爐子係你面前整pancake, 整好後可以自己唧cream同攞d水菓落去, pancake幾好食但好易涷變硬~

另外法國人都會係度煮忌廉意粉,  意粉都幾好食, 入口唔會漿住咀, 不過又係好快變涷, 要趁熱食~

之后見好多排隊, 原來有羊肉拿, 不過拿左二件都冇食, 因為太生了,聽日要返工都係唔好博~

 

來到第二區係壽司、沙律和自助飲品bar~

壽司主要有二至三款, 包括上圖的鰻魚壽司, 壽司味道和水準達標, 感覺合格, 仲幾好味添~

不過人實在太多太多了, 有啲恐佈, 好快就清晒啲食物, 而且好耐先再Refill, 我眼見refill左一至二次, 壽司bar竟然闗灯!!!! 表示冇食物了, omg!!!! 

想食真係要好似電視劇咁, 要快、要快同埋要快!

一啲清菜既涷櫃都有好幾款食物, 不過我自己就冇試到~

呢啲看似唔起眼既小點, 千祈唔好睇少佢地, 啲客食晒主菜甜品, 就又返來同你清晒佢,

所以唔洗一個鐘, 呢度又係空光光的xd

 

 

 

  

不過大家又唔洗太担心, 甜品bar好多種類, 都有5-6款, 有涼粉, 小疍糕, 糕點等等, 

賣相唔錯~ 

我自己試左紫米露, 都好好食, 甜度適中, 所以我覺得撇除太多人、太少食物(或者食物夠但老人家想回本心態), 呢度食物既質素係相當唔錯~

 

 

輪到熱食了~

選擇都正常, 大約有8-10款, 炒飯, 面, 菜, 豬扒, 豆腐魚(不過我去到已經冇晒, 亦冇refill), 味道都幾好, 尤其係椒鹽豬扒, 個人覺得好好食呀!!! 豬扒唔會太乾, 咬落去嫩滑, 而且個椒鹽又唔會太重味太咸, 好食呀!

湯品都有二款, 分別係蘑姑湯同椰子雞湯, 兩款我都試過, 全都好好味!!!讚~

蘑菇湯好濃郁!!又唔會好咸好杰, 好飲呀~ 而椰子雞湯就好清, 好飲過出面海南雞果啲例牌雞湯,高質!

 

由於小妹慢慢飯既闗係, 只係搶到圖上兩碟~~hahahhah, 不過二百蚊左右係真心抵既,  仲有氣氛方面係一流既, 大家都博命搶博命食, 幾得意又唔會造成食物浪費....

食完後, 記得去攞番支榴槤綠豆雪條,  好香既榴槤味, 正~



 Marco's Buffet

 葵涌和宜合道119號荃灣絲麗酒店2樓

 21561596