<美味>~* 大角咀尋肉骨茶@ 麥金~*

大角咀美食云集, 最近又同左媽咪爸爸試左馬來西亞餐廳既麥金, 實在太卦住肉骨茶了~~~

 麥金裝修都好靚呀! 牆上放滿佢地既特色名菜, 但每款都用相架掛住, 好有風味!

食物選擇方面都好多呀! 剩係肉骨茶既配搭都有好多款了! 大摻係份量至大既, 佢有齊所有配料, 如排骨、豆卜、豬肚、鳳爪、三層肉、豬手仔、油炸鬼等等~ 另外仲有細摻(即係細版)、如果想食個別項目, 仲可以特別點一字骨、豬手仔、,雞腳、豆卜金菇、小骨、三層肉、油炸鬼等等, 價錢都好經濟,  仲送免費肉骨茶(剩茶)添~~~

可以另外再加淨椰漿飯、黃薑飯、豬油撈飯或白飯等等

再可以加優惠價買飲品飲~

我點左細摻 - 份量比我想像中多好多! 材料好豐富, 一個女仔食都好好好飽! 而且一次過試勻所有配料, 多心人士必點~

味道方面, 湯底肉骨茶好濃味!!! 陣陣葯材香但又唔會好難接受, 味道有啲似滴雞精, 好香好易入口! 而配料方面, 排骨肉都燘得好淋好入味~~~ 有啲大骨仲附左少少脆骨, 增加左唔少咬口~

油炸鬼吸左湯都好好食~  

我另外配左黃薑飯, 黃薑飯大大碗, 薑味唔重, 都係好易入口, 比白飯濕潤, 好好食又補身~

原來呢度點肉骨茶, 會全枱每人送多一碗架~ 我們每人都可以有一碗了, 爸爸好中意喝~

招牌芽菜雞飯 - 我地加左HKD 10轉脾, 雞肉好香好滑, 脾位就更加滑溜啦~ 而且份量都唔細, 配上薑蓉同葸, 媽媽食到津津有味, 成個鯨吞左!!!

 

 爸爸就試左佢地既老鼠粉 - 外型和感覺都似銀針粉, 口感細滑, 這個是較身既撈來, 配合肉碎同葸, 感覺乾淨清新, 食到一半, 爸爸試下把送的肉骨茶倒係入面, 成個老鼠粉立即變得帶有陣陣葯材香, 其味無穹!

  

麥金.麥金馬拉特式茶啡室

大角咀大全街6-20號大富樓地下A2B號舖 

36187803