<美味>~ 坐得舒服、食物美味新鮮的@隨變火鍋~*

一向好喜歡吃雞煲, 特別是先雞煲後邊爐那款,
坦白說, 坊間好吃的雞煲邊爐着實愈來愈少
有時店子紅了, 普遍質素都變差
好多時都會失望而回~

說起"隨變雞煲" 相信好多人都聽過它名字, 亦有試過,
它在佐敦很紅的, 雞煲好味的闗係, 客人超多,
所以我一直都未有機會試~

在OP 偶然見到原來隨變在銅纙灣開了店子,
裝飾很美很有格調, 坐得當然比佐敦店舒服又乾淨得多,
所以上星期也特別帶爸爸來試試~

我們知道店子最近推出了套餐, 只是五百多元, 但就有雞煲+邊爐, 仲可以有肉類, 丸子, 串燒, 前菜, 好抵食呀!

宵夜2人套餐包括餐前涼菜, 風味燒烤, 招牌雞煲一個(半隻), 招牌手打丸四粒(自選), 另外客人可自選肉類, 例如羊卷肉(HKD 498), 西班牙黑豚肉(HKD 538), 本地牛頸肉(HKD 588), 時令海鮮拼盤(HKD 888), 仲有配菜, 主食, 甜品等等~

order 好後, 就可以來到前面自己混醬了~ 醬料隔離有少少涼拌豆腐絲, 可以任添的, 好清涼好開胃~

前菜- 涼拌海帶, 這個份量好多, 海帶口感超級爽脆, 涼拌仲加左份清新感覺!

風味燒烤 - 可自選二款, 我點左燒手工雞皮, 又脆又香口; 爸爸點了內蒙羊肉串, 他說不酥而且好香羊肉味, 我地大家都覺得好好食!

 

來到主角 - 招牌雞煲一個(半隻), 可以自選湯底架~ 我地要左酸辣豬肚湯底, 少少酸加輕微麻, 好惹味又有少少刺激味蕾! 而半隻雞都真係幾多, 可能夠大隻, 足以佔大半個煲, 二人吃真的很飽呀!

 

味道方面, 雞肉好好嫩滑呀!!! 雞皮都滑滑的, 可以連皮食呀!一啲都唔滯~~
食完雞都幾飽了, 之後就可以食牛肉啦~

我地揀左 本地牛頸肉 - 牛肉真係好嫩滑, 入口即溶既感覺~ 肉眼就睇到佢雪花分佈平均,
稍為灼幾下就可以食, 牛味好濃郁, 好好食!!

 招牌手打丸四粒(自選) - 我地選左鵝肝墨魚丸同黑松露蝦丸, 兩款丸丸都好真材實料, 墨魚丸咬落去入面釀滿左鵝肝, 充滿濃烈的鵝肝味道,令人回味~

而黑松露蝦丸就爽滑彈牙, 黑松露味道清香,增加不少食慾~

另外仲有蔬菜盤, 響鈴和冬粉, 蔬菜超級新鮮, 響鈴脆卜卜,而冬粉口感qq, 
全部索滿汁更加好味~

最後有維記雪米糍做飯后甜品,正呀!

隨變火鍋
銅鑼灣登龍街18號V Point 23樓 
28912787