<美味>~ 任點任食2小時@京香閣~*

由於媽咪好喜歡食上海野既闗係, 一直都想去試試上海菜放題, 

你也知啦, 上海菜真心唔平,逐款叫都真心令荷包出血呢~

所以一直都係度揾上海菜/點心放題, 要抵食同埋多款式既~

撞啱同事話試左上環既京香閣做緊2小時點心放題自助餐,

2小時任飲任食都係 HKD 228

由幾十款上海小點/小炒/點心選擇, 

不過亮點仲係每位都會送一份砂窩花膠雞湯同埋原隻鮑魚花菇, 

就咁都已經係回晒本了~

京香閣係上環無限極廣場2樓, 位罝好找又方便,

酒樓地方乾淨又闊落, 服務員勤快又有禮,

整個用餐過程都唔錯~

坐好後, 就立即拿東西了~~~

面前放了約廿多三十款的上海美點, 每款拿少少都好飽了~~

包括有水煮牛肉、四川回鍋肉、糖醋魚塊、千層四季豆、江南素斎、醬茶鴨、宮保雞丁、蔥油小芋奶、炒土豆絲、椒鹽排骨、上海翡翠苗、東坡肉、鴨崧叉子燒餅等等....

真係多到眼花瞭亂呢~

熱點我試了大約十多款, 每款味道都很好, 特別喜歡它們的蔥油小芋奶,芋頭好粉嫩, 口感好好喲!!

而回鍋肉、椒鹽排骨都真心不錯, 味道剛剛好, 唔會太重味太淡, 好好味呢~

水煮牛肉 我就怕辣沒試了, 不過媽咪話好到位, 少少麻辣牛肉又夠煙韌~

涼伴小菜都有好多款, 口道清爽, 特別係青瓜、雲耳酸酸妹妹, 好開胃醒神!

湯品方面有我好中意既酸辣湯喲~~~  

酸辣湯好甘香美味, 少少酸少少辣, 再加上大量豆腐絲疍絲荀絲, 

口感層次好豐富, 我食左三碗呀~

仲有醉雞同白燙蝦, 呢啲真係要多吃回本~~~(笑)
醉雞有濃郁酒味, 聞落去好芬芳,雞肉都好嫩滑!
而蝦就好爽好彈呀, 非常新鮮呢~

每樣都試少少, 卒之就Encore左幾次, 肚子已經好撐了...

飲品區有豆漿、酸梅湯, 豆漿有濃濃豆味, 而且有清熱功能, 好解渴美味~

行過少少, 原來仲有片皮鴨呀!!!!
自己放上鴨片, 葸絲, 再沾些甜醬油, 一咬咬落去,
又爽又脆又有肉嫩多汁既感覺!
再加上夠熱既闗係, 份外美味~!

來到重點了!
就係砂窩花膠雞湯同埋原隻鮑魚花菇了!!!!

每人都會有盅 砂窩花膠雞湯,真的是真材實料, 一掏就見到大大塊既花膠,
食落去又彈牙又煙韌, 膠原十足! 而且湯頭不覺有落味精, 同媽咪係屋企煲既味道一樣,
但就聞到好香既雞味, 又濃又滑, 滋陰養顏, 好正!

原隻鮑魚花菇! 賣相好吸引呀!!! 大大隻既鮑魚真材實料, 煙韌彈牙, 配埋鮑汁超好味!
仲有花菇又香又厚, 每啖都滿足口感, 好好食!

最后試左幾款即叫即上既上海小點, 質素都唔錯, 高力豆沙好好食!

京香閣
上環德輔道中199號無限極廣場2樓 
 27999789