記得上一次去Bella Shine 都有一年了! 那時BS都係觀塘,
但地方就比較大和開揚, 知道BS 被迫遷了並在新址再戰江湖
當然要去再試吓佢地啲食物!
由於上個星期去美亞倉買隻鑊, 所以順道去BS 新店食個Lunch!
星期六有set lunch, 包湯/沙律+ 主菜 + 甜品+ 飲品
個人覺得都幾抵食!!!
最平既意粉都係七十幾, 最貴安格斯牛都係百幾蚊
仲要唔洗加一
可以坐足一個中午食個靚晏
都幾抵!
我點左澳洲黑安格斯肉眼牛扒配牛肝菌燒汁, 要了凱撒沙律~
凱撒沙律份量都唔細份, 沙律菜好鮮甜, 咬落脆卜卜, 入面仲有好味既面包粒, 提子干和芝士
好惹味好開胃!
澳洲黑安格斯肉眼牛扒配牛肝菌燒汁- 賣相一梳, 大大塊牛扒放在木板上, 旁邊放左一整杯滿滿既薯餅, 好香好惹味!
肉眼牛扒咬落去好重牛味, 肉質好嫩滑,側邊有少少膏, 配埋嫩肉一齊食,好惹味又嫩滑無渣!
安格斯果然唔錯!!
本來牛扒本身都已好入味, 不過可以再沾牛肝菌汁來食, 令牛肉更加惹味,更加好味!
一整杯滿滿既薯餅, 真係不能錯過!!! 佢口感似mcdonald 炸薯餅, 但mc 明顯較油笠, 食完滿咀肥油, 但呢個就冇問題, 充滿濃濃既薯香味, 好食呀!
點左杯iced coffee, 呢個好有驚喜!! 咖啡香濃幼滑, 飲落去一啲苦味都冇, 就好似係日本coffee shop 飲到既一樣, 再加上唔洗再補錢飲, 唔錯！
set lunch既甜品一啲都唔hea, 係一球vanilla雪糕加一個朱古力濃郁既brownie,
雪糕質感相當幼滑, brownie 味道香濃, 二者配合得天衣無縫, 為完美的一天帶來生氣!
Bella Shine
23458455
23458488
沒有留言:
張貼留言