Happypy's Blog : <美味>~ *其實食海鮮洗咩飛去澳洲吖@Season Plus~*

2017年12月4日星期一

出年特別多嫁娶, 尋日又係出左去同好姐妹傾吓做姊妹既事項
本身想揾間cafe 坐低, 但朋友又話想食海鮮, 又想坐得耐坐得舒服
突然想起上星期食既Season Plus
好啦, 今次就帶佢來尖沙咀店來食番個好味海鮮餐吧!

尖沙咀店環境係無敵闊落, 出面有花園, 仲有幾個位可以比吸煙人仕坐低

不過始終呢幾日都幾涷, 所以我地都係坐番係cozy既室內了~

Season Plus 主打平靚正海鮮, 咁要配靚海鮮當然要飲wine 吧~

呢度有好多酒類以供選擇

咁就無論食steak同食海鮮都有唔同既wine 配合了!

餐牌每間都一樣, 冇厚此薄彼, 由於上次食左熱海鮮盤,

所以今次都會散叫海鮮, 再叫啲熱食pizza 沙律來試吓~

首先點左一客帶子刺身- 好新鮮好鮮甜既刺身, 雖然計起近hkd10 一粒,
但真係值既, 帶子肉身圓潤又夠厚度, 食落去好甜好新鮮, 滿口鮮味既感覺係咀度徘徊

加少少wasabi 甜豉油食仲好味!

煙三文魚沙律- 賣相滿份!!! 連隔離食客都話好靚要叫番碟!

無論味道, 質素我都比滿分, 沙律菜好脆, 落左少少醋但唔太酸, 食落好開胃, 而煙三文無敵多,

比人感覺好唔心軟, 食完又健康又飽肚~

出面太涷的闗係, 唔叫啲飯食驚好易肚餓---點左個黑松露牛肝菌意大利飯-

雖然份量唔多, 但始終黑松露係比較重味濕潤, 呢啲比較上好易飽肚又塞住個肚,

所以少少地都ok

味道方面, 一樣冇令我失望, 牛肝菌本身已好香好惹味, 再加上黑松露, 食落去好香口,

又再上濕潤的感覺, 2個人啱啱好, 食完係有回味無穹之感!

來到海鮮部份, 點左一份蒜蓉牛油焗翡翠螺, 一客10隻, 隻隻都好大隻, 好抵食!!!

良心講, 隻隻螺都肉質肥美, 食落去好新鮮, 用上惹味到極點既蒜蓉牛油來焗, 更加滋味,

我好建議來呢度食生蠔同埋螺, 真係超好食!

最後點番上次食過既鮑魚- 今次都係好好食!! 鮑魚好有彈性, 調味做得好好, 雖然我自己比較中意熱食海鮮多過涷食, 但呢款真心唔錯, 雖然二隻要一百蚊, 但我都會再來再食過的!

其實食海鮮洗咩飛去澳洲, 香港都有大把好野食呢~只要你識揾!

Happypy's Blog