<美味>~* 特式斎菜@素食一家~*

 

最近大魚大肉多了, 所以星期六去完銀行後, 就和媽咪去了吃素~

在旺角火車站附近行了一陣, 想起之前去過素食一家食物不錯
所以就和媽咪去左果度食個晏~

 

幸好中午不是有太多人, 可以舒舒服服食了～揭揭餐牌，特色美食愈來愈多，

因為肯花心機用素來做魚生壽司肉類等素菜館着實不算多, 

素食一家是好好的選擇~

不過有得有失, 傳統的素食如我好喜愛的粟米粥就冇了

不過唔緊要啦, 好彩有羅漢斎炒麵~ 

 

 

 我地點左幾樣野食:

1) 紅燒野生竹笙素翅

2) 招牌羅漢上素脆麵

3) 秘製一定蓮偶餅

4) 桂花圓玉雪耳羮

紅燒野生竹笙素翅 - 一窩HKD 118, 二人分每人分到3-4碗, 抵食!!

用料方面, 有豐富既竹笙, 粉絲, 素肉絲等等, 食落口感好豐富, 

比街邊既碗仔翅明顯用料多, 湯底幾鮮幾好味, 總括來講, 好味又飽肚!

招牌羅漢上素脆麵 - 用料都不錯, 有鮮菇, 冬菇, 粟米仔, 竹笙, 菜, 紅蘿蔔等等

麵炒得香脆,材料豐富,獻汁都好惹味,幾夠鑊氣水準!

秘製一定蓮偶餅 - 好好食!!! 一客有6件, 八十幾蚊都算幾抵食!!

剛煎好就上碟, 食落去中間既蓮偶好香脆, 有好Creamy既感覺,

個人覺得非常好食!!

 

桂花圓玉雪耳羮 -桂花好香! 紅棗養顏, 仲有好多雪耳添! 甜度適中, 整體感覺好補好滋潤, 食完個身暖笠笠!

素食一家

旺角洗衣街145號正華大廈地下  

23938012