<美味>~ * 熱食非常出色! @ 靚煲皇 ~*

天氣咁涷, 又係打邊爐既好季節, 不過有時媽咪唔想去太遠地方食飯,
所以近近去旺角就最近最方便!

靚煲皇小菜坊都有幾年冇去過,
記得食物都唔錯, 價錢都OK唔貴
所以今次同老豆媽咪去果度食火鍋~

 

靚煲皇坐得比以前舒服左,張枱好大張呀, 而且有電視睇,

地面都冇水好乾淨, 服務員全部都好Nice好有禮貌, 

再加上食物選擇都好多, 價錢唔貴, 成餐飯食得好開心~

呢度既湯底都幾多選擇! 我地揀左名貴既花膠海蔘豬骨煲!

用料冇慳住喎!!! 都有多多件花膠海蔘同埋三件大大塊既豬骨係湯底

湯頭好鮮甜, 好好味呀~~

我地都叫左幾多野食~~首先係雪花肥牛- 
油花分佈好平均, 肥牛入口好嫩滑好鮮香,

一啲都唔漏, 薄薄咁一片灼一灼就食得, 鮮味又美味!



全軟骨(小) - 呢個幾有驚喜! 因為本身好中意食軟食和脆骨,
呢款係一件大大塊既豬肉, 每件都有幾粒小小既軟骨
除左豬肉入口嫩滑, 冇咩難聞豬味, 軟骨好脆好好咬口呀, 啱晒我呀!



 肥鵝腸- 上桌時見到白雪雪既肥膏, 本來就係有少少驚肥呀
但灼完後, 肥膏完全消失左, 鵝腸入口好爽好彈牙,
再加上有少少油份, 入口唔會乾爭爭, 幾好食~

百福豆腐 - 冇咩特別啦, 即開即食, 夠新鮮又好大磚!
係抵食既~

, 

驚唔夠飽, 叫左公仔面同埋烏冬- 公仔面係用出前一丁既

會有味粉同麻油跟架, 

而烏冬都唔錯,  入口都幾彈呀幾好食~

 
 
午餐肉 - 好似雪到幾硬咁, 唔係太新鮮, 不過燙熟左就冇咩問題
幾好食, 好有部隊窩感覺! 

呢度仲有啲熱食推介, 我都試左一款- 椒鹽雞軟骨-
估唔到都好有水準! 剛炸好就送上來, 雞軟骨超級香口又夠脆!
炸漿唔太厚, 雞軟骨件件都大大粒, 再洒上椒鹽, 令到佢既香味又再升級
真係好好食, 下次再試下佢其它熱食先, 正!

打邊爐又點少得可口可樂, 最后祝大家狗年嘻嘻哈哈, 身體健康!

靚煲皇
旺角塘尾道18號嘉禮大廈地下 

23990812