因為咁啱我放工要去尖沙咀買少少野, 所以就約媽咪去佐敦既住家菜開飯
呢間店係我同事介紹我去既, 話店子是無味精, 食物又好味, 而且冇茶位計
相當唔錯, 所以就帶媽咪試吓
到了店子, 排在外面的客人都有少少, 等了一會兒可以入座了~
店子都幾大幾乾淨, 坐得好舒服, 雖然侍應冇咩笑容, 但服務都幾勤快, 再加上呢度主打無味精,
又有老火靚湯, 家常小菜全部都齊全, 飯後仲有糖水送, 我覺得好唔錯喔!
母女二人點了粟米魚肚羮, 蚧子黃金蝦, 蜆介鯪魚球
粟米魚肚羮- 果然係同出面食既有啲唔同, 呢度味道係調輕左少少, 冇咁味精重味, 感覺Fresh 好多! 粟米羮仍然好香, 魚肚份量都足夠, 食落去又唔會水漾漾又唔會杰杰的, 感覺唔錯!
蜆介鯪魚球- 份量超多, 一客有10粒, 如果一大班朋友來說就very good!
鯪魚球啱啱炸好就上枱, 熱辣辣香噴噴, 咬落去仲係出煙~~~ 食落好彈牙,充滿口感, 再沾上唔會太死咸既蜆介醬, 鮮味十足又有粒粒蜆介係裡面,正!
蚧子黃金蝦 - 份量都頗多, 大約都有7-8隻, 蝦大大隻, 肉質超爽甜, 而且炸到好脆口, 外層用上旦疍來炸既黃金, 再添上一抺咸香, 食到停唔到口!
飯後仲有自家製雪梨茶潤潤喉, 呢個係送架, 日日唔同, 好味又清潤!
而且我見到店子做緊promotion, 如果like 同share 一張同食物既相, 就可以有一大盅老火靚湯送架la~~~ 唔錯噃~下次再黎食先~
住家菜
31050515
沒有留言:
張貼留言