行經佐敦, 又想起金撈了!!! 於是同朋友就直接行過去揾位
雖然這天客人超多, 但好好彩等左一陣就有位坐~
金撈就唔洗多介紹啦! 主打養生老鴨湯底, 滋補又養顏, 不過撞啱朋友有啲唔舒服, 所以我地冇揀到老鴨湯底, 要了個芫茜皮疍湯底, 一樣好味!
順便讚一讚呢度既湯底, 飲落又唔覺有味精, 食完後口腔都冇咩苦味~
我地點左幾個邊爐, 首先係豬紅 - 賣相好靚! 豬紅切到好工整, 而且夠結實唔散, 口感唔錯, 滑滑的幾好食~
魚腐- 口感唔錯, 有好香既荳味, 索左湯既魚腐特別好食, 食落去軟軟綿綿,幾有咬口~
青菜- 好新鮮, 顏色嫩綠, 口感脆脆~
粉腸- 超新鮮超邪惡!!! 望落去雖然好似好肥咁, 但灼熟後, 肥膏都不見了, 食落去有濃濃既腸香味道, 又唔會太油膩, 偶然食一次都OK~
肥牛- 肉眼睇都知非常新鮮, 嫩嫩既鮮紅色, 聞上來有新鮮既肉香味道~稍為灼幾下, 牛肉好快就食得, 厚度適中, 肉同肥膏比例約1/9, 食落去好爽好嫩滑, 帶有濃濃既牛肉香味, 正!
金撈老鴨湯刺身火鍋專門店
23327600
沒有留言:
張貼留言