~ 再臨炑八。蟹之宴~*

提起韓國烤肉, 就一定會想到炑八~記得它新開張時都一直幫襯到而家
雖然看住佢既價位愈漲愈高, 但冇法啦, 香港地地貴租貴人工貴
只要係Keep到水準, 好食既我都會繼續幫襯架~

 今晚又去旺角店食飯啦~~ 因為同事話佢推出左個紫菜包飯, 但最特別係佢會有一盤好鮮味既蟹跟架, 另外仲有炒辣蟹 (食落去好似春村炒辣雞, 但呢度用左蟹, 比較特別點)

來到旺角店, 店依舊又闊落又好坐,員工態度有善親切, 感覺唔錯吖~

點了炑八年糕炒蟹鍋, 蟹膏醬迷你伴飯,驚喜是order 完後, 竟然有芝士粟米和疍圍邊, 炑八既芝士粟米是百吃不厭的!

四款前菜包括辣泡菜, 魚片, 大豆芽和酸蘿蔔都好好味, 而且是無限任添加的,
可以大吃特吃了!

 

炑八年糕炒蟹鍋 - hkd 258 , 份量不算少,二人食都夠,賣相唔錯~ 
個人好喜歡食年糕, 貪佢煙煙堅韌韌, 不過大家要小心, 因為佢會放上辣椒和青黃椒, 之后再放大大匙既辣醬係上面, 食落真係幾辣, 食唔慣辣既朋友要小心~

之后服務員會端來大大隻蟹, 再放在鍋上抄, 很快地就把蟹炒熟了~ 蟹肉雖然不算太多, 
但算在夠鮮甜, 而且服務員抄既手勢唔錯, 辣醬已遍佈蟹既每處, 嗜辣嗜韓食物既朋友, 
會大呼過癮!



驚唔夠飽? 食到咁上下, 服務員會再問你加唔加飯, 大家可以再加一碗白飯, 再請服務員快速撈勻撈勻, 很快地每粒米粒都有辣醬既甜甜地辣辣地既味道, 個人覺得唔錯, 有蟹香又夠味, 但同行朋友食唔到辣, 就投降了~

 食蟹又點少得啤酒?HITE易入口又順和, 喝得舒服又暢快!




我自己就叫左杯檸檬蜜來滋潤一下, 唔太甜又夠滋潤~

來到蟹膏醬迷你伴飯, 呢個真係好好好好食, 而且又唔貴呢, 紫菜包飯(HKD 88), 蟹醬都係HKD 68, 可以拌飯拌紫菜, 必食呀!!!!

蟹醬味道好鮮味好鮮味!!!! 本身以為會咸架, 但原來唔會! 味道好醇和, 而且有濃濃蟹肉蟹膏鮮味, 真係好好吃! 個人覺得用佢來送白飯都好好吃～

 

 紫菜包飯都唔錯，料夠多, 就咁食層次口感都好豐富~ 服務員提議沾啲蟹膏係紫菜度食, 又或者可以用紫菜自己包配料再沾蟹膏來吃, 但個人覺得用來送白飯就最好食了~

 

見肚子還有空位剩, 即刻點左客紅豆杏仁刨冰~ 記得以前係炑八食過, 係鋪黃豆粉既, 覺得口感好一點, 而家用杏仁雖然都好味, 但就好似唔夠黃豆粉再加細滑冰碎一齊食過口感, 不過都唔錯既, 用來做飯后甜品都好滿足!~~
  
炑八韓烤
旺角彌敦道628號瓊華中心5樓 
23952730