<美味>~ * 大大大滿足既一餐!@ 駿景軒~*

上兩星期爸爸忽然晚上有空, 可以Join我和媽咪食晚飯

想起原來聖誕節和新年都沒有陪兩老好好食餐晚飯

於是問問同事, 有什麼地方可以坐得舒服, 食物質素又好

朋友提議我去英皇駿景酒店的駿景軒中菜廳吃晚飯

她之前食過, 覺得服務態度一流, 環境舒服衛生,

而且食物好味, 亦是米芝蓮一星的餐館~

 

 來到酒店, 意外地人流不算太多, 環境真的頗清靜

只要按lift 上樓就直到中菜廳了~

 

 

駿景軒地方好闊落, 裝修幾有心思, 很中國風的佈置令人感到古息古香

坐下後, 有善和面露笑容的服務員就立即為我們添茶

又送來餐牌, 令人感到親切有禮

而且她們都很主動積極, 亦常常有服務員站着隨時提供服務

更令人心情愉快, 加分加分~

看了餐牌後, 我們點了:

- 杏汁燉白肺湯

- 上湯雲吞

- 黑醋味蟹肉帶子炒鮮奶

- 照燒黑松露野菌安格斯牛柳粒

- 砂鍋唐生菜(蝦醬)

杏汁燉白肺湯 - 很足料的湯品! 杏汁湯飲落去口感好滑! 好似飲緊鮮奶一樣, 熱辣辣香噴噴, 白肺同埋廋肉既清甜, 再加埋杏仁既香味, 質感好順滑, 令人好回味!

照燒黑松露野菌安格斯牛柳粒 - 碟頭唔算細, 但牛柳粒粒粒都好大! 肉質好嫩滑, 一啲都唔鞋口,

一咬落去牛肉汁四賤, 再加上黑松露既濃郁, 食時可以再沾上黑醋, 但爸爸同我都覺得就咁都好味夠味, 大讚!

黑醋味蟹肉帶子炒鮮奶 - 呢個又係好出色既作品! 難怪呢度係米芝蓮餐館~ 炒鮮奶本身都炒得好細滑, 師俌再加上份量唔少既魚子, 令到口感大為突出!!!! 而且鮮奶用上拆左既蟹肉一齊炒, 唔怪得食落唔止滑, 仲有好香好鮮既蟹肉, 上面放左二粒又彈又爽口既帶子, 超級無敵好味, 送飯佳品!

 

 砂鍋唐生菜(蝦醬) - 呢個看似平凡, 但都好好味, 唐生菜咬落脆卜卜, 又爽又脆, 不過最出色都係個醬汁, 蝦醬再加入少少辣椒, 令到口感有少少刺激, 再加上用砂鍋炒, 好夠鑊氣!

上湯雲吞 -  上湯好鮮味, 飲落去唔重味精, 雲吞大大粒脹卜卜, 咬落去有大大隻既蝦和肉, 
口感又唔會太實, 而且肉味好嫩又夠香, 皮薄涵靚, 亦為這餐完美既晚飯作結, 大滿足!

駿景軒

灣仔皇后大道東373號英皇駿景酒店1樓  

29613330