不過媽咪都辛勞了, 好啦, 由於仲未出糧, 唔可以食太貴
平平地就食下日本野吧~
呢間店名好得意- 叫"餃餃餃子", 之前係黃埔店都食過一次, 佢係來自日本, 品質好有品證,
上次食都覺得好好味, 食物質素好好又唔貴, 咁啱見到原來灣仔有店, 就拉着媽咪入去~
灣仔店菜式選擇同黃埔店一樣, 餃子選擇有好多, 另外仲有多款小食, 咖喱飯, 烏冬都有~
而枱面就放左幾款醬油食餃子用, 包括辣油, 餃子醬汁, 味噌醬汁, 辛味噌等, 幾款都好味~
同媽咪點左幾款食物, 包括:
大阪烏冬
袖子蜜(熱)
白桃乳酸梳打
洋蔥餃子配山芋芥未醬
炸雞軟滑倒配醬油牛油味
餃子4種盛合
Mochi Mochi 蘑菇餃子
大阪烏冬 - 呢個好有驚喜!! 本來以為只係普通白烏冬咩都冇果啲, 但原來係煙鴨胸烏冬, 湯頭好鮮味, 食落去冇咩味精, 仲有日式魚旦, 腐皮同埋2-3塊大大片既鴨胸, 鴨胸食落好嫩滑, 整體味道好唔錯, 推介!
洋蔥餃子配山芋芥未醬 - 呢個上次食過今次再encore, 餃子煎得好香! 皮好薄好脆口, 入面既
洋蔥同肉都好嫩滑又唔實, 上面再放左煙韌到暈既山芋同埋有少少攻鼻既wasabi, 一啖咬落去, 又脆又煙韌仲有少少辣, 正!
洋蔥同肉都好嫩滑又唔實, 上面再放左煙韌到暈既山芋同埋有少少攻鼻既wasabi, 一啖咬落去, 又脆又煙韌仲有少少辣, 正!
Mochi Mochi 蘑菇餃子 - 外皮好薄而且好彈彈的, 底又係煎得非常香脆, 入面釀滿口感濃香既蘑菇, 好有咬口, 係一款比較濃味既餃子~
餃子4種盛合 - 包括有puri puri 海老餃子, mochi mochi 蘑菇餃子, 日本京都九條葸餃子, 日本淡路島產洋葸餃子
一碟8隻, 每款味道有2隻, 只是hkd 55, 就可以一次過試均四款特色餃子, 很化算
個人最中意puri puri 海老餃子, 海老是蝦的意思, puri 餃入面既蝦好爽口彈牙!就好似食緊蝦餃一樣, 口感好清新, 而且亦冇咩易滯, 而其它餃子都唔錯, 只係本身食左太多肉既闗係, 所以覺得海老最為突出!
炸雞軟滑倒配醬油牛油味 - 炸到脆卜卜又唔會燶, 炸漿唔厚又夠爽身, 再加上軟雞好大粒, 食落好脆好有咬口, 好味!
袖子蜜(熱) 同埋白桃乳酸梳打都冇欺場, 雖然袖子蜜冇咩特別, 但明顯佢係放左唔少份量落去,
飲落去好夠味, 飲完暖晒! 而媽咪試飲白桃乳酸, 佢話酸酸甜甜幾開胃, 呢餐佢食得好開心, 希望下次再同我來喎~~嘻嘻
餃餃餃子
27355360
沒有留言:
張貼留言