因為要返半日!!
就好似我表妹咁, 她表示返半日真係慘慘慘
見佢咁不滿, 好啦, 就等1PM 等佢放工接佢一齊去食個晏啦~
來到呢間叫－ 豚豚拍子
顧名思意係食.....豚肉(豬肉)!
見佢星期六都有幾抵食既Lunch set menu, 另外仲有拉面, 定食
價錢幾相宜, 而且選擇都幾多, 所以就坐低左了~~~
表妹點左燒鯖魚定食- 價位約HKD 69, 賣相唔錯幾抵食~
鯖魚係大大條, 剛燒好立即送上, 所以可能比起我既拉面, 等既時間耐左少少~
不過鯖魚真係燒得好好食!!! 魚皮好脆口, 而且魚肉剛好, 唔乾仲好濕潤嫩滑
最重要係一啲都唔咸
曾經食過坊間有幾間燒鯖青真係咸到喊
呢間就調味得啱啱好, 好好食!
跟定食果碗飯好大碗, 女仔食就有啲吃力, 不過我表妹食力驚人, 冇有怕!!
仲有個疍沙律都唔錯, 滑滑嫩嫩, 配飯都好好食!
我自己就叫左個白豚拉面, 有二件大大既叉燒, 仲有荀, 木耳, 葸等等~
湯底不能不讚好鮮甜, 同樣味精唔多, 飲左幾啖湯冇好口喝既感覺~ 另外我仲加錢加左隻糖心疍同埋豬軟骨, 二款都同樣好味道, 尤其係豬軟骨, 又淋又好味, 脆卜卜既軟骨附左少少筋同埋肉, 不用太力都能咬開, 真心好味!
加錢叫左個串燒雞翼 - 一客有二枝串燒, 各有二塊雞翼, 惠顧拉面餐再加HKD 18 就可以了, 又係好抵食~~~
雞翼燒到好脆, 雞皮又係好薄, 少少焦既感覺仲正!! 一啖咬開, 雞肉嫩滑到無比, 有少少雞汁滲出來, 好滋味!
因為豬軟骨太好味既闗係, 我又情不自禁加左HKD 25點左客細豬軟骨丼
上面既温泉疍雖然涷涷地, 但將佢撈勻係軟骨同飯粒上面
每啖都有疍既清甜同埋軟骨既治味
雖然細細個都好令人回味~
最後點左個奶茶, 因為拉面係跟飲品既
呢款奶茶好得我心, 口感唔似港式奶茶偏苦
而係日式果隻, 奶味香濃又細滑
甜甜地幾好味, 飲左一杯成個身暖晒
成個餐都好好味, 位又好坐
下次再同表妹來食過先~
豚豚拍子
23691978
沒有留言:
張貼留言