最近股樓巿暢旺, 身邊好多朋友都笑逐顏開!
好似我同事咁, 日日都一邊篤計數機一邊陰陰咀笑
早二日仲話請我去食餐好
店就由我選
立即上OP 看看有咩好食既新鮮魚生
最後選來係尖沙咀既鮨一~
鮨一 位置都好好找, 係厚福街既樓上鋪, 上到18/F就見到好多人係度等位了,
好彩餐廳原來仲有層係20/F, 所以我同同事就上左20/F了!
我地揀左BAR 枱坐,可以清楚睇到師俌既刀工同埋點整每個菜,
有時間仲可以拉住師俌談談天請教一下食經
唔錯呀!
師俌為我們因應是日新鮮食材而做出左幾道菜, 所以每樣都好新鮮, 好好食!
先上桌是八瓜魚三文魚魚子沙律!
份量好足, 夠晒二個女仔食!
八瓜魚切得適中, 好彈牙好新鮮, 而
三文魚魚子全部都好鮮甜, 配合埋餐廳自家製既酸甜汁
三文魚魚子全部都好鮮甜, 配合埋餐廳自家製既酸甜汁
好醒神好開胃!
石鯛-薄切上, 見到師俌既刀章~ 魚生同樣鮮甜, 不帶一絲腥味,
而且有滿滿豐潤既魚油口感, 食落去有好幸福既感覺!
日本厚岸蠔 - 肥嘟嘟既生蠔, 肚中有滿滿蠔既精華, 一啖咬落去, 濃郁既蠔味傾瀉出來,
再加上餐廳自製既酸甜茄汁同少少菊花絲, 食後留有滿滿既Aftertaste~
龍蝦沙律- 用上新鮮既龍蝦同埋沙律來混合製成,遠遠已聞到龍蝦清甜香味,食落去又唔會漏,
質地較厚身少少, 係沙律蓉既感覺, 二人share來食剛好!
活北寄貝- This is my favourite! 北寄貝真係超級鮮甜, 無論係唔係群邊部位, 都好有0趙頭同咬口, 再加上肉質超厚, 食落去吞下後, 口腔只有鮮和甜二個字, 無得輸!
白子刺身- 白子己經唔係第一次食, 媽咪話好補身的~ 鮨一既白子又係做得比別家好,
除了超級新鮮外, 仲係一啲都唔腥, 食落口亦冇恐佈的滑潺潺感覺, 相反係白子既鮮和豐潤,
整體質素好高, 好值得推介的一道菜!
手卷時候 - 師俌整左二款比我地試, 二款都係令人回味無穹!
首先係厚身到極的大拖羅- 拖羅魚肉超厚切, 每一口都有着魚肉的豐潤感覺, 咬落去有豐腴既魚油滋潤口腔, 再加上紫菜超級脆口, 中意食肥美魚生既你都唔好錯過!
至於日本馬糞海胆 - 每個接近HKD 180, 但食落你會覺得值得!師俌不惜工本, 把手卷的中間填到實, 每一口都有着海胆既鮮甜, 細細咀嚼後, 把海胆沿着口腔滑下, 喉嚨充滿濃郁既海胆味,
就算飲水都不會沖去, 實在太叫人着迷!
接着食啲熱食- 點了日本大蔥雞肉串和雞軟骨串- 記得要趁熱食呀! 二款都燒得很香很脆,
而且調味既燒汁濃郁, 雞肉嫩滑大蔥清脆, 把已經飽了的肚子又再拿出位置把它填好~
最後再試埋鯛魚奶湯稻庭烏冬- 用上濃濃既鯛魚來熬湯, 沒有難聞魚腥味, 反而是鮮甜十足!
烏冬是幼身既稻庭烏冬, 彈牙細滑, 簡單洒上一把紫菜和粟米, 又是難得的美食, 我是把魚湯全清了!哈哈!~~
下次出了糧, 我請同事再番來食吧, 太回味了！
鮨一日本料理
37059227
沒有留言:
張貼留言