<美味>~* 再臨魔膳廚房~*

觀塘既魔膳廚房說起來都去過幾次都覺得不錯, 以觀塘食店云集來講, 其實已是相當不錯了~

早前既復活節假期, 特登再約朋友去魔膳度再試下, 係吓水準係咪都係Keep到先~

環境依然闊落, 地方依然乾淨整齊, 不過唔知係咪假期好多人出左國呢,

客人就唔算太多, 不過其實咁仲好啦, 靜靜地可以同朋友話吓當年~

假日原來都有set lunch,價位都係百頭左右,但係就有魚, 牛臉脥肉, 雞扒, 豬扒, 豬肋骨, 西冷等任揀, 仲包湯同飲品, 免加一情況下真心覺得唔錯好抵食!

 

呢度既芝士疍糕都好好食架~~ (因為之后我忍唔住叫左一個來食~好味道!)

我點左香煎美國西冷八安配薯菜黑椒汁

朋友點左意式雜菌雞肉意粉

大家都點左黑松露忌廉湯配包

首先要讚下個湯先~ 黑松露忌廉湯 , 一個字- 正!

湯身唔會太水太杰, 濃稠適中, 湯傳來陣陣黑松露味道, 鮮甜又帶點咸香, 再加上唔會好咸,

調味剛好, 絕對回味!

到主菜了, 我點的香煎美國西冷八安配薯菜黑椒汁
點了七成熟, 賣相唔錯, 黑椒汁另上,
牛扒唔算好大件都夠香, 用上粗薯更滋味!

香煎美國西冷八安 - 煎得唔錯, 剛剛好, 牛扒都夠牛味亦充滿肉質, 好JUICY!
但要彈既就係牛扒都幾肥, 幾乎有一半係肥同筋, 切左去都冇左一截
不過愛肥一點朋友應該中意~

意式雜菌雞肉意粉 - 水準唔錯, 雞肉幾嫩滑, 意粉有汁之餘唔會太黏口, 亦都好入味,

相當不俗!

飯後飲杯熱檸水同花茶, 一解飽意!

見到疍糕櫃放滿疍糕, 也立馬Order了一客芝士疍糕~~~ 芝士疍糕比想像中好味呀!
芝士味道香濃又易接受, 疍糕亦好軟滑, 一啲放係口就立即溶了, 滿口都有芝士香味,
有機會大家都試試吖~




魔膳廚房
觀塘開源道77號業發大廈一期2樓D室  

39551460

39551461