上星期一個中午，友達因為炒股票賺了錢,電話中她愈說愈開心,
還說請我食個豪華Lunch添~
既然佢盛意拳拳, 好吧我也來者不拒, 立馬book了銅鑼灣的道鮨,
因為記得同事介紹過, 話好好食, 成日都好思思好想去試...
好啦, 讓我也一圓這個夢!
道鮨果然係高級既日式餐廳,周圍都用上木造, 環境清靜得來好舒服!
而且空間感都幾重, 見到都有房間, 如果下次想同朋友靜靜地食lunch,
可以入房坐, 如想熱鬧啲, 就可以坐bar 枱, 咁就可以同師夫交流吓~
午巿有set lunch 可以揀, 種類都好多, 不過大熱當然係壽司同魚生飯吧~
壽司真係好熱門, 當日好早去到已賣光了, 所以我揀左HKD 238既道鮨海鮮丼~~
set lunch 除了有自選主菜外, 還包沙律, 麵士湯, 雪糕同埋飲品, 真心講好抵食!!!
因為食完好飽好滿足!
沙律- 紫薯沙律 好有驚喜呀!!!
首先紫薯帶有甜甜的口感,磨到起沙既薯蓉, 入口好清新好好食! 再配上爽到極點既沙律菜同蕃茄, 把胃口開大了很多! 醒神又開胃!
麵士湯 - 飲到一半先記得影相XD,
口感唔會死咸, 鮮味十足, 紫菜同豆腐帶來豐富既口感和鮮味, 唔錯!~
主角出場了- 道鮨海鮮丼, 嘩,份量十足,魚生鋪到成個飯碗滿滿的,好吸睛呀!
海鮮丼用料絕不手軟, 常見常食到既魚生都在此!!! 帶子, 海胆, 八爪魚, 拖羅都有, 令人滿心滿足!!!
魚生全都好新鮮!! 反射出新鮮既色澤同光芒! 亦帶有新鮮既魚生香味, 望到就流口水了~~
味道方面, 全都唔會叫你失望呢~ 個人好中意食帶子同海胆, 帶子鮮味甘香, 海胆豐潤誘人,
另外仲有其它唔同既魚生同玉子, 一次過就可以試齊唔同種類既魚生, 正!
食完魚生飯, 記得要試吓佢地既抺茶雪糕同埋咖啡呀!
二款都好好味架~ 抺茶雪糕比想像中出色, 淡淡抺茶味中和飽肚感,味道唔會太甜, 而且抺茶回味不苦, 相當易入口, 好食!
另外咖啡都好好好飲!!!! 奶和茶都好滑好香, 唔會過重啡苦味, 好香滑!
估唔到日式餐廳可以弄到如此香滑既咖啡, 期待下次都有呢個水準喔!!
道鮨日本料理
35231045
25761880
沒有留言:
張貼留言