我同媽咪都係標準既FOODIES, 邊度有好東西吃就去邊度LOL
尤其係雜誌, OP 介紹果啲, 見到其它FOODIE PO既相就流口水了
今日我同媽咪又去左旺角睇下有咩好野食
行過旺角TOP (新商場來的, 係旺中對面)
原來好幾間食店已開業了, 在做SOFT OPENING
我地就選左呢間叫"柞木炭家"來試下~
柞木地方好大, 座位好好坐!! 而且由於係新裝修既闗係,
所有野都好新好靚, 作為第一手食客既我地, 表示熱切期待!!~~~
由於坐係度都係630PM左右, 太陽都仲係度, 望出去平台,
自然光令人又舒服又自在,
木地台和植物令到人心情大好!
餐廳主打韓式燒肉, 用上炭火燒烤來烤熟各式美味既肉類,
炭火燒比較慢熱集中, 亦因為咁令到肉汁鎖左係其中
食落去會更加嫩滑, 更加有彈性架~
而且呢度仲有上乘既韓牛同埋和牛以供選擇
以多種獨特切割方式呈現牛不同部位
真係唔洗特登飞去韓國都食到至靚既牛肉~
我地點左幾款牛肉、包括有韓牛肋骨上蓋、牛舌三吃,
另外仲叫左柞木五花腩, 柞木龍蝦,
驚唔夠飽, 仲叫左柞木雪濃湯飯同埋飲品 (荔枝特飲同涷奶茶)
好快地上左幾款前菜, 分別有沙律、泡菜、芽菜、蓮偶等等~
幾款水準都食得出好高, 尤其係泡菜, 餐廳會每人安排一大顆辣泡菜放係盅度,
客人可以自己用剪刀剪來食用, 個人覺得好衛生而且味道唔錯
芽菜同蓮偶都好脆好新鮮、好好食呢~
呢度飲品都好多選擇, 我地揀左荔枝特飲同涷奶茶~
價位都係約三十零蚊, 但份量都唔細杯, 味道都好好, YUM!!!
荔枝特飲有幾粒大大粒既荔枝係SODA入面, SODA水解渴清涼,甜甜地酸酸地,
而且全杯有着清香既荔枝甜香味, 好吸引!
媽咪既涷奶茶都唔錯喎, 奶味同茶味均勻, 而且口感細滑, 相當唔錯!
柞木雪濃湯飯先上場～份量都幾大碗, 足夠二人食用~
但如果有叫幾款烤肉, 咁呢碗就真係幾飽肚,
不過都真係好好食, 好值得試!
服務員送上來時, 係一碗飯入面放了好多配菜如青瓜絲, 紅蘿蔔絲, 芽菜, 青菜
當然仲有主角 - 一大塊牛肉了!
牛肉雪花分佈平衡, 就咁睇都已經見到好新鮮好靚了!
另外仲有一壼雪濃湯, 係新鮮滾熱辣的
建議一上枱, 趁湯仲係好熱時,就原壼倒入牛肉同飯度
等熱湯將生牛肉灼熟~~
之後就可以食了!!
牛肉真係好嫩滑好好食呀!!! 韓牛真係唔同啲~~
牛味好濃, 入口好嫩, 薄薄咁一片幾乎唔洗咬就可以吞
另外當然雪濃湯都好好飲, 係好濃既牛味, 感覺似飲緊濃滑既鮮奶
再配上唔同既蔬菜絲, 真係好好食架~~
好快地我地哎既幾款肉都上枱了, 嘩, 全部都睇起上來好新鮮呀!
就好似係街巿新鮮買果種鮮艷既顏色
果然係一分錢一分貨
望望都流晒口水了!~
首先係牛舌三吃, 個人其實好中意日本既牛舌,因為味道唔會太酥太強,
但柞牛呢三款牛舌, 就有齊三種厚度, 三種切法
烤好後有 三種唔同既感覺!
而且食起上來又冇酥味喎, 感覺好似食緊牛肉同牛小排咁
又嫩滑又唔老
幾好味呀!
柞木五花腩 賣相一流, 二大塊的五花腩切成花型, 彎曲起來好可愛!!!
行近一點仲聞到陣陣新鮮豬肉味,
肉眼都見到肉係灯光中發散光芒
好新鮮的樣子!!!
我都係第一次用炭火用烤肉, 原來火真係比較集中啲, 冇咁易燒燶, 而且真係比傳統板燒果啲肉汁多好多、肉既質感都係比較嫩滑, 而且有陣陣炭既香味係肉入面, 真係好好食呀!
五花腩燒好後口感真係一啲都唔漏, 尤其係外面果層肥膏, 燒熟後變得非常脆, 肉都一樣好多汁, 一件接一件食落口一啲罪惡感都冇, 因為入口都唔肥膩, 食時可以用上餐廳送上既泡菜, 蒜粒同青瓜條紅蘿蔔條, 用生菜包起來一齊食, 仲滋味!
柞木龍蝦 - 小龍蝦開左半邊(共二隻) 一樣好滋味, 用左好多蒜頭來醃, 真係夠晒入味, 但烤好後又唔會咸喎, 仲有最精彩都係龍蝦肉, 真係好彈牙呀!!!! 一扯就成塊龍蝦肉起出來, 放入咀裡又爽又脆又彈牙, 人間美食!
每枱都會送一個芝士粟米, QQ彈彈好食呀~
好了, 輪到主角出場- 叮叮叮, 係價值三百幾蚊既韓牛肋骨上蓋!!!!
送上來真係嘩一聲, 肉質紋理好靚!!! 睇到佢啲雪花紋同顏色係好嫩紅好新鮮, 不得了!
每碟肉既旁邊都放左小小唔同既蔬菜片, 蔬菜片都唔hea架, 有菇菇, 南瓜, 蓮偶, 都幾新鮮架~
用來refresh下味蕾~
三百幾蚊既韓牛肋骨上蓋肉果然名不虛傳!!肉汁鎖左係成塊肉入面, 好多肉汁超juicy!
另外牛肉唔洗講都係入口即溶! 好重既牛味, 而且一啲都唔老, 唔洗點咬都直接吞到, 太正了!
不過呢款油油份係比較多, 所以入口會有好豐滿既感覺, 圍係肉邊既小肥膏可以燒脆啲, 就Very good 了~~~
呢間餐廳實在太高質, 大家如想一試有炭火香既美味韓牛燒烤, 一定要試呢間呀~超正!
柞木炭家
26190868
沒有留言:
張貼留言