早二天見不用OT, 就立即CALL閨蜜看看有沒有時間吃個晚飯談談天
剛好她亦不用OT, 所以就約左係銅鑼灣登龍街等, 因為那條街實在有太多靚餐廳,
隨便一間應該都不會中伏~
最後選了STEAK BAR, 因為朋友想食日式牛肉燒烤! 在店外看到入面的人在燒,
實在流晒口水XD
餐廳環境唔錯, 坐得好舒服, 再加上我地六點半左右就到,避開七,八點既PEAK TIME,
地方就更加靜侷, 可以開心的在這裡食飯談天了!
我們二人都是選了同一個 石燒薄切牛肉,價位約一百七十多元,分別跟新鮮薄切牛肉一大碟, 另外仲有沙律, 麻醬豆腐, 炸蒜, 兩款醬汁(海鹽和燒汁), 仲有白飯(落了大量飯素), 價位中等, 可以接受~
沙律脆卜卜好新鮮, 令人胃口大開! 麻醬豆腐好惹味! 豆腐又香又滑~個白飯真係不得之了, 大大碗之餘(我食鬼晒), 上面仲放上大量(係大量!!!)既紫菜芝麻飯素呀!! 飯素真係令到成碗白飯生色不少, 不止帶來脆卜卜口感, 味道方面仲大幅上升呀! 好好食~~~YUM!
上桌時, 服務員會原個石燒窩送上, 用上少量牛油在石窩上溶化後, 牛油既香味不停飄出來, 待發出嗞嗞聲就可以放上牛肉了!
大約每邊燒廿秒左右, 香噴噴既牛肉就可以放入口了!
牛肉口感好嫩滑, 而且非常JUICY~ 成塊放入口, 滿滿既牛肉汁就係咀裡爆發, 肉充滿彈性, 食落去有油香既味道, 係豐潤既感覺但又唔會滯口, 用上送白飯就PERFECT了!
我地仲叫左客雞軟雞餃子- 口感唔錯, 唔會炸到好油好肥膩, 咬落去入面既雞軟骨已切到好碎,
所以略略咬落去就已卜卜卜咁響, 食左三條我都冇滯喎, 幾好食~
飲品我地叫左礦泉水同埋熱柑橘蜂蜜, 礦泉水係韓國野, 幾易入口, 而冰柑橘蜂蜜, 甜甜地潤吓喉嚨先~
Steak Bar
銅鑼灣登龍街36-48號登輝大廈地下B號舖
26747688
沒有留言:
張貼留言