<美味>~* 好味泰國菜@Orange Elephant*~

我同媽咪都好中意食泰國菜,等別係無骨鳳爪, 每次我地兩個都食得好開心~

上星期媽咪又想食 泰菜了, 不過唔想去九龍城咁遠, 近近地去大角咀食~

因為媽咪話知道之前係九龍城食過果個Orange Elephant 係大角咀開左分店~

大角咀店好近奧運站, 交通好方便, 食完仲可以去附近食下糖水添~

 

裝修方便同九龍城店一樣靚裝, 地方都幾大幾舒服, 環境好乾淨,

泰服務員都好親切有禮呢~

 

  

選擇方面都好多, 價位都幾親切, 唔算貴, 係中中地果啲價, 絕對可以接受~~

  

母女二人點左椰青、濕炒牛肉河、半隻海南雞、炸蝦餅~

椰青 - 清熱解毒, 食左熱氣野飲就啱, 呢度啲椰青新鮮又多汁, 好清甜!

  

濕炒牛肉河 - 大堆頭, 好抵食! 調味唔錯, 唔會好重味好咸, 又唔會好淡口, 漿汁唔漿口,

材料都好豐富, 牛肉嫩滑, 配菜如西蘭花, 粟米氣, 菜芯都好好食, 另外河粉都入味, 唔錯~

半隻海南雞 - 比想像中還要好! 半隻其實都好多, 足夠2-3人食, 近脾位寧舍滑,

好有雞味又夠 juicy!! 

近胸位唔算太鞋都好好食, 沾啲甜醬油或酸辣醬, 一樣好食! 

炸蝦餅- 好脆好脆! 蝦餅粒粒炸到金黃色, 咬落去又夠鬆化, 

蝦肉都夠多, 而且好彈牙, 又唔會太實冇彈性, 一客六粒

不過最重要就係佢只係1蚊咋!!!

因為餐廳每日會推出1蚊菜式, 天天不同, 每款都份量十足, 唔會hea你架~

就好似呢碟炸蝦餅都只係1蚊雞, 真心好抵食!

Orange Elephant Thai Restaurant

大角咀博文街42號 

T: 28127321