<美味>~ 好味又超豐富既聖誕大餐@柞木炭家~*

昨天家中兩個姥姥說天氣涷, 不想在家弄飯, 着我帶佢出去吃飯喎~
咁好啦, 咁涷係家浸涷水又係好慘既~
姥姥媽話唔想打邊爐, 想去吃韓燒
近近地又高質素既話, 我立即諗起柞木炭家

今次係第二次黎柞木炭家, 記得對上一次都有半年了~
水準服務各樣都冇乜變到, 地方依然好坐, 食物材料新鮮,
而且套餐似乎愈來愈抵食!
今次我同兩個姥姥就叫左個聖誕節二人餐
但真係太多野食了, 3個都食唔晒要打包拿走~

坐低後, 服務員送上幾款唔同既前菜, 包括泡菜, 大豆芽, 酸青瓜等等
全部都好好食好開胃呀!

 接着又上左一大盤沙律菜, 足夠4人吃了! 沙律菜又爽脆又新鮮, 蕃茄仔都好甜!

聖誕二人餐計起都係HKD 825, 但就超多野食呀, 仲有好好味既五花腩同韓牛呢~

聖誕2人套餐
- 特上牛形拼盤
（牛舌、 牛里肌、牛肋肉、肩胛肉粒、前胸肉）
- 濟州黑毛豬拼盤
- 濟州鰻魚配大蝦
- 原條泡菜豬五花肉鍋
- 韓式糖餡餅
 

不過套餐唔包野飲, 咁我就點左荔枝梳打同熱袖子蜜, 甜蜜清甜又滋潤, 而荔枝梳打真係有二粒荔枝係入面架, 口感同樣清新又解渴呢~

另外我地叫左海胆燒韓牛, 服務員會即場係你面前用火鎗噴一會兒,令到韓牛表面剛熟, 但底就生生地, 食落去口感真係好嫩滑好好味, 再加上半溶既海胆, 真係令人一試難忘!

濟州黑毛豬拼盤 - 用上小圓盤來盛, 原來入面有4大塊
濟州黑毛豬, 實在太開心了!

 濟州黑毛豬果然寧舍不同!! 肉質超滑而且肉汁好多! 雖然望落去好似好肥咁, 但燒完後,
口感就好似嫩滑版既蜜汁叉燒咁, 甜甜蜜蜜又滑嫩多汁呀!!! 近邊位仲有好0趙頭既脆骨, 好好食!

一客4大塊超級不惜工本!

 特上牛形拼盤
（牛舌、 牛里肌、牛肋肉、肩胛肉粒、前胸肉）

用上可愛既牛形狀牌來把牛的不同位置放在上面, 咁就一目了然了! 
 

  
牛舌 - 好嫩滑仲一啲都唔酥!! 淡淡既油花燒熟後爆甘香!

  
肩胛肉粒 - 滿滿牛的鮮香味, 而且一啲都唔韌, 食肉獸至愛!

  
牛里肌 - 好有咬口同0趙頭,脂肪分佈都幾多,放入咀裡口感豐潤甘膄!

前胸肉 和牛肋肉 - 二款都不錯, 不會太肥, 廋肥分佈完美, 大量雪花紋燒起上來超香, 而且肉質好Juicy!

  
濟州鰻魚配大蝦 - 服務員會把原條濟州鰻魚放在網上幫你烤熟

  
當魚皮烤到黃金香脆 , 魚肉變雪白色就可以了!

烤熟了的濟州鰻超好味!!! 魚皮好脆口,添加不少分數~ 而魚肉一啲都唔腥, 係好滑好滑既魚肉,
而且仲冇骨絲, 就算我唔多食魚, 都覺得鰻魚真係好好食, 食完仲唔漏呢~

 

 大蝦 - 蝦肉好結實好彈牙,食落去好爽甜, 好正呀!

原條泡菜豬五花肉鍋 - 食到呢度都好飽了~ 原來仲有紫菜飯同泡菜豬五花肉鍋

泡菜豬五花肉鍋- 配料十足, 包括有五花肉、豆腐同年糕, 用上泡菜來煮, 肉眼睇五花肉超肥, 但食落去又唔會喎, 口感好似豬手咁, 配紫菜飯真心冇得輸, 另外豆腐同年糕都好好食!
 

韓式糖餡餅 - 好好食!!! 本來已飽到食唔落野, 但見佢咁可愛就試下!

咬一啖先知原來好好食! 糖餅外面烤到好好好脆口! 入面係用左瓜子同其它nuts來做
餡, 整個口感好鬆脆又唔會好甜, 真心好好食!


柞木炭家 
旺角彌敦道700號T.O.P This is Our Place 5樓501號舖 
26190868