<美味>~ 高質中菜館@ 海港薈 Victoria Harbour Supreme~*

閨蜜好友快結婚了, 佢打算去海港薈到擺酒, 上星期佢約埋我同佢媽咪一齊去果度試下晚飯,

睇下手勢好唔好, 再決定婚宴係唔係度進行~

  

海港薈係尖沙咀北京道1號, 有無敵夜景, 地方都好大好優雅,

服務員總括來講笑容十足, 而且頻頻換碟加水, 個人覺得服務真係無得輸!

呢度地方都唔算細, 擺十幾廿圍應該無問題, 而且仲可以打通隔離廳,

隔音都唔錯, 朋水表示過闗~

我地點左幾款菜式試吓廚房手勢~

鹽燒六頭鮮鮑魚、磯燒魚乾、惹味醬爆西班牙黑豚肉、避風塘牛柳粒、粵式菜遠海鮮雙面黃

 

鹽燒六頭鮮鮑魚 - 

原來六頭都幾大隻!!! 鮑魚本身就好爽好彈牙, 用上惹味既鹽燒來處理,

就更加脆同埋香口了, 食完真係LUM LUM 脷, 好回味呀~

磯燒魚乾 - 

口感煙韌, 而且又係好惹味, 好似我地平時食既零食魚乾, 但呢款更加柔軟又夠煙韌, 沾啲沙律醬就仲好食!

惹味醬爆西班牙黑豚肉 - 

以黑豚肉切成粒粒, 再用上梅菜同埋菜粒來炒, 空口食會有啲咸有啲重味,但只要用生菜來包住食MAGIC就出現了! 生菜口感好爽脆好清新! 配上半肥廋既黑豚肉同埋惹味梅菜, 奇蹟地配合呢~

 避風塘牛柳粒 - 

牛柳粒同埋豆腐粒炸左之後再用避風塘式來炒, 買落去好脆口呀! 牛柳粒一啲都唔鞋唔老, 

仲幾Juicy! 不過最驚喜係豆腐, 炸完之後外面脆入面好好好嫩滑, 非常好食!

 粵式菜遠海鮮雙面黃 - 麵條炸到好脆呀!!! 好好食! 最中意食炸 麵了! 配料豐富十足, 

有大大隻又爽又脆既蝦仁, 仲有帶子同蚌, 彈力十足, 好食!!!

海港薈 Victoria Harbour Supreme

尖沙咀北京道1號9樓  

21511828