<美味>~ * 高質任點任食火鍋@八幡屋涮涮鍋~*

呢幾日天氣又涷番啲, 媽咪又好活躍咁提我火鍋時候到了~
所以就趁上星期五, 來到八幡屋食個自助邊爐先~

八幡屋呢度都幾先進, 首先要係手機度Download個app先,
之后再scan 佢地個QR Code, 就可以直接係手機點火鍋配料同湯底了~
而且追加部份都係透過手機自助, 真心方便到不得了!

我地揀左龍蝦南西瓜湯底, 好鬼夠味又唔會好濃好咸, 幾好味~

地方都唔錯, 好多沙發位, 都好乾淨, 招呼都好勤快, 不過遇着人多時, 可以會迫少少~

我地係app度快速點左啲海鮮如蝦, 花甲, 佢既選擇都好多, 由於佢係日本餐廳,
所以壽司、刺身、熱盤全都可以任點任食架!!!
而且味道真係唔錯, 我試左幾件吞拿魚腩葸壽司, 超好味!!!!
絕對唔比火鍋料輸蝕架~

點左少少配料後, 出面仲有個專區係可以任攞任食架~
包括有十幾款蔬菜類、菇類、餃類、芽菜南瓜等等
仲有好多款丸丸添, 不過由於app內都大把野食,
我都冇咩肚再裝呢啲la~ 所以都冇攞過呀
不過肉眼見到所有食材都好新鮮, 而且放係度都好衞生乾淨
相當唔錯~

仲有豆腐豆pop 腐皮果d~

丸丸類好多呀, 墨丸、魚旦、火腿腸、雲吞、水餃...實在太多選擇了~

 蔬菜非常新鮮, 嫩嫩綠綠, 而且種類好多, 娃娃、生菜, 唐蒿咩都有齊~

呢度仲有二款熱湯供應, 自然飲品bar 都有幾款飲品提供~

甜品專區有果涷, 布甸同埋啫喱, yum yum!

仲有少少涷盤揀, 係啲日式前菜,肚餓可以頂住肚先~我試左螺肉, 味道唔錯~

 大量台式港式飲品一應俱全, 汔水、檸檬茶, 烏龍茶任君選擇, 無限添飲~

上菜速度好快, 茖左單一陣就送上來, 幾款壽司都好高質,
食落去好新鮮, 魚肉好鮮味, 果然係有質素既日式餐廳~
我覺得呢度要留一半肚試下佢啲串燒, 壽司果d
包唔令你失望~

用app點大部份都係逐件計, 要幾多order幾多, 唔會浪費呀!

另外仲試左佢既海胆同靚牛肉, 二款都超高質, 海胆係喜出望外果種鮮甜,

食落去一啲腥臊都冇, 係好濃好滑既海胆, 慢慢係你口腔內溶化..

亦有濃濃既aftertaste, 而牛肉就油花分佈平均, 食落去好滑好鮮甜!

 海鮮都好有驚喜, 唔好以為日式餐廳海鮮就比較弱,
個人覺得呢度都好肯落本比番客人食呀
睇下隻大蝦幾近大隻, 食落去肉質又爽又彈牙,
超好食!

 

 青口都好好食, 鮮味十足, 有肚子就不妨試多幾款, 真心唔錯~

其它食材都新鮮豐富, 新鮮程度比我想像中高好多,

所有野都性價比高, 我覺得如果係二百幾蚊任飲任食個幾二個鐘

但有高質靚海鮮同靚壽司刺身無限添食

真心覺得好抵

大家有機會都去試吓la~

八幡屋涮涮鍋

旺角彌敦道628號瓊華中心12樓全層  

21519918