<美味>~ *全雲石氣質中午Buffet! @Walter Bistro~*

因為出了糧的闗係, 心血來潮突然想做乖女, 

所以想上星期六就想請爸爸媽咪去食Lunch buffet,

趕忙在op 搜索一下, 原來觀塘區有間 Holiday Inn Express

價錢不貴, 約二百餘元/位,

但全雲石裝修看來很美呢~

所以就立即致電訂位再動身了!

餐廳名叫Walter Bistro, 主打2.5小時任食西式buffet,

食物方面選擇不少, 有冷盤涷肉、熱食、甜品西餅、即製意粉、

另外仲每人跟一包飲品,

計落可以舒舒服服享受二個幾小時, 性價比相當高~

周六中午客人不算特別多, 而且觀塘沒有什麼強國客, 

環境相對寧靜, 而且全雲石裝修令到環境看上去又大又闊落, 

舒服、乾淨、雅潔,

令到整個用餐感覺都好好~

整個食物共分幾區 -  涷食、沙律區、熱食(十多款)、甜品 (再加高級西餅櫃)、即製意粉、海鮮、壽司、即切即烤牛扒、湯、粥等等

要注意它是沒有自助飲品bar, 不過每人跟一杯飲品, 亦有開水提供~

涷食區有幾款涷肉, 亦有多款芝士, 配料就有餅干, 涷蕃茄等等, 味道很新鮮不錯,

而且有多款選擇, 可以一次過試齊~

壽司專區就有多種不同壽司, 分別有三文魚、甜蝦、北寄貝等等,

味道不算很頂級, 不過用來做buffet serve 的壽司就合格有餘~

前菜方面都幾款都唔錯, 特別喜歡這款泰式青口, 入口清涼, 青口爽彈,

再加上泰式酸辣醬, 入口有少少辣, 能夠刺激味蕾又開胃!

紅酒燴牛尾都不錯, 牛尾 燴到好入味,而且散發住牛的清香, 入口甘香, 用來佐飯不錯~

小炒就有尤魚炒青豆 - 青豆清甜無渣, 尤魚煙韌~

仲有媽媽至愛- 清蒸河鮮一大條, 媽媽說魚肉細嫩又夠滑, 入口無腥, 好味~

 唔夠飽仲有生炒糯米飯和星洲炒米- 兩款都好有水準, 炒到甘香美味~我都添左二次呢~

 每款味道唔錯, 每樣試少少其實都有啲飽~~

接着就見到師傅在烤牛柳,  因為太飽的闗係, 我只試了一小口,牛柳又嫩滑又有牛味, 而且是半生熟的闗係, 入口就更加充滿濃厚的肉汁了~

 

來到甜品專區, 這裡甜品選擇都好多, 大約有十多款, 整體表現理想, 

特別是桂花糕個人覺得不太甜, 幾清新可口,

不過其整體表現不夠它的高級西餅專櫃吸引~

最後來到自製意粉區了~ 已經有師傅係度為大家服務~

枱上面放有二款意粉, 分別是長通粉和意粉, 可以自選一款, 另外亦可以在枱面的十多款配料(有煙肉, 火腿, 青紅椒粒, 洋蔥, 芝士粒, 蘑菇粒, 爽蝦仁等等), 之後再選醬汁, 師傅會問你要蕃茄汁定白汁,

大家可以自行選擇~

我兩款都試了少少, 意粉好煙韌, 而且配料炒得好香, 而且份量都幾多, 

買完都好飽了~~~ 

特別要讚佢個蝦仁好爽口, 炒得唔油唔笠身, 幾好味~

 

最後試左佢個蟹粥, 這個真的是必食推介, 粥身好綿滑, 用左原隻蟹來煲, 入口陣陣鮮蟹味道,

真係好鮮好甜好好食呀!

爸爸encore了二次了~

 餐飲點了滴漏咖啡, 本來想點latte, 但要另補hkd 20, 咁就算吧~

咖啡都美味, 上面有一層滑滑的咖啡油脂, 飲落去口感濃滑, 為這餐劃下完美句號~

Walter Bistro

觀塘巧明街97號智選假日酒店1樓   

Ｔ：69000502