<美味>~ 價位相宜食物用色@Burger Lab~*

上星期六又約左閨蜜食晏, 係佐敦四圍揾野食既時候,

見到Burger Lab!~

BL 我幾個月前食過一次, 覺得好好味~而且款式選擇都幾多,

包包又好味, 入面啲牛肉又嫩又多汁

所以就提議來呢間食burger!

 

坦白說, 店子就真係唔大, 全店可以容納約7-8人左右, 所以要食可能就要睇吓有冇位~

不過店子佈置得幾簡單舒服, 店員幾有禮貌, 而且餐廳會播歌架!

成餐飯食得幾開心幾舒服!

呢度burger既選擇都幾多,牛肉, 小龍蝦, 墨魚餅都有, 價位都係40-60, 個人覺得好抵食!

另外仲有多款小食, 雞翼蘑菇,炸薯格, 蕃薯條等等

另外如選購burger, 仲可以加hkd 32, 就有bless 既冷壓菓汁+薯條/蕃薯條

正呀!

店子在做多款試管burger, 應該係比大家試啲新野

所以我今次試左呢款- 芥辣墨魚漢堡~

價錢係hkd 68 (單點)

店子每人會準備膠手套飲管比大家食野, 幾細心! 

我同朋友加左hkd 32, 要左二set 薯條/蕃薯條+ 冷壓蘋果汁

bless一向好飲, 不過出面買都幾貴

而家加hkd 32 就有齊二樣野食

真心唔錯!

我既芥辣墨魚漢堡上桌了! 賣相唔錯, 大大個漢堡完全吸引人眼球!

而且薯條香噴噴, 啱啱炸好即上桌, yumm!

芥辣墨魚漢堡真心好好味!!! 那塊墨魚餅是厚實到一個點!!!超級有趙頭和口感!

而且食落去又唔會覺得粉漿好多, 又唔會炸到好肥膩

係食到有啖啖 墨魚肉, 再加上沙律菜新鮮香脆

堅好味! (不過如果芥辣再落勁啲就仲正!)

朋友本想點牛油果漢堡,但是日沽清,所以就點左個大菇蘑漢堡了!

賣相一樣唔差, 大大個菇蘑漢堡伴以蕃薯條

飄來淡淡啡蘑香味, 流口水呀!

啡菇係king size, 完全可以覆蓋成個包, 朋友話啡菇肉超厚, 咬落去又香又juicy!

再加上店子用左沙律醬同埋脆脆卜生菜夾係入面

口感清新, 同樣美味!

蕃薯條好清甜!!! 淡淡蕃薯味令人胃口大開

再加上炸得金黃鬆脆, 洒上美味既芝士粉, 食到停唔到口!

Burger Lab

佐敦庇利金街14-22號地下3號舖  

92133315