<美味>~ 好味觀塘樓上Cafe 店@ Non Kitchen ~*

一向好鐘意觀塘既樓上CAFE, 去過幾間都唔錯, 除左地方夠大, 佈置又靚, 最緊要食物普遍質素都超高, 如果有時間的話, 我寧願去觀塘多過去旺角食CAFE~ 

 

 

今次朋友帶左我來到佢既飯堂- NON KITCHEN, 佢成日都係度開飯架, 呢度隠敝度都幾高, 地方又大又闊落, 連唔洗坐到咁迫, 再加上佢話呢度啲食物好好食, 價錢都普通唔貴, 咖啡都好好飲,所以今次就試吓佢先~

估唔到星期六都有SET!選擇都好多, 有BURGER, PIZZA, 意粉, 就連Eggs Benedict都有!

價位就由幾十到百頭都有, 薯條仲可以無限任食, 算幾抵食!!

朋友點左意大利巴馬火腿白菌薄餅 - 賣相唔錯, 好多巴馬火腿係上面, 熱辣辣香噴噴~~~餅底又薄又脆口, 中間溶化左既芝士配合PARMA HAM 既咸香, 鮮味十足, 二個人SHARE 食剛剛好!

 

我點既係自家制牛肉漢堡配車打芝士 - 送上來係大大個cheese burger, 旁邊有沙律同薯條

漢堡好大個呀!! 一啖咬落去, 大大件既牛肉漢堡入面啲肉汁濺晒出來,好JUICY好夠牛味！

而且肉質好嫩滑，仲有呢度係用烤來整件漢堡,所以牛肉留有好香既燒烤味,就連包都烤過架,美味doubleup!

 

薯條係任食既, 好鬆脆好夠薯味！不過食完個burger都好好好飽了! 下次再留肚食!

 

好surprise呀!! 餐飲杯咖啡可以點latte 而唔洗加錢, 仲要拉花好靚, 一啲都唔hea架!

latte 味道好濃好香滑, 唔洗再加糖, 甜度適中, 奶味同啡味都平衡, 好味!

 

朋友點了普通版奶茶, 她說好好飲呀, 茶味唔澀又夠濃夠滑, 大家都對呢餐好滿意~

Non Kitchen 
觀塘鴻圖道12精棉工業大廈1樓