<美味>~* 美味脆皮烤鴨@金公館~*

 

自從冇係太古返工後, 都好少機會入太古城,

剛好嫁了的姐姐說周六中午會在太古城出現,

而姐姐又說出了花紅想請大家吃飯,

所以這天就大有食福, 到了太古城的金公館食飯了~

 

 

金公館走中價中菜格局, 位罝都相常開揚, 而且燈光明亮、乾淨又好坐,

服務員服務勤快有禮, 感覺舒服~

 

 

 

  

金公館 招牌菜好多,不過最出名都算是北京烤鴨, 門口有一個位置, 可以看到師傅在弄片皮鴨, 這裡的烤鴨皮脆肉嫩, 有半只和一只供應~  

最後我們選了幾款點心, 包括:  蟹子燒賣王、豉汁蒸鳳爪、青城山杏汁白肺湯、烤北京填鴨(半只)配摩摩皮、醬料和配菜

 

 豉汁蒸鳳爪 - 鳳爪好入味, 醬汁和豉汁都入晒係鳳爪度, 食落去唔會太黏太笠, 好味!

 

  

蟹子燒賣王 - 大大粒! 燒賣食落去唔會太實, 豬肉嫩滑多汁, 肥膏廋肉適中, 食落去好香肥肉味,

再加上脆卜卜既蟹子, 水準之上!

青城山杏汁白肺湯 - 以碗計/上, 秋天就是要食潤肺的湯品, 而這款杏汁白肺湯就最好不過!

白肺湯質感好滑好清新, 每匙都充滿杏汁既清甜, 口感好似牛奶般又嫩又滑, 白肺食落軟淋淋, 沾啲豉油食剛剛好!

 

 烤北京填鴨(半只)配摩摩皮、醬料和配菜 - 賣相一流, 以盤子來盛, 盤子四周放上雪梨條、青 瓜條、蔥條等等, 另外還有幾款醬汁可沾~

盤子中間摩摩皮以熱水坐着, 以保持温度, 確保食用時摩摩皮仲係熱的, 增加口感~

 

 

 

摩摩皮好有彈性, 再加上用熱水座住, 食時只要將烤鴨片和喜歡的配料放進去,

沾些醬汁再捲在一起就可以了!

 

烤鴨片都幾大碟, 師傅將半隻烤鴨包括皮和肉(已去骨)放在另一碟,鴨片真的好脆好香口,

而且師傅貼心地將肥膏都片出來, 令到食時更加乾爽(個人超不喜歡一舊舊既肥膏, 所以片左出來好好呀!), 鴨肉都好嫩滑, 食落去都好多肉汁, 總括來講冇令到我地失望, 非常美味既烤鴨~ 

金公館

太古康山道1-2號康怡廣場3樓T4號舖 

23881662