這幾天天氣真的涼了不少, 天氣轉冷就當然是食火鍋吧~ 媽媽提議去佐敦食,
因為食店都好多選擇, 在OP 搜索一下, 就找到寶哥火鍋了~
選寶哥的原因,最重要是媽咪食過話好食又抵食!
價錢有幾個選擇, 最平可選HKD188, 除左有多達70款配料外,仲會送5款刺身拼盤; 而HKD 238 就有6款和牛刺身拼盤, 仲有海鮮, 靚牛拼盤~
HKD 288的則送加拿大象拔蚌、和牛, 刺身拼盤, 仲有七彩海鮮, 靚牛拼盤添~
真的是豐儉由人喔!
地方真係好大好闊落而且乾淨, 佢樓高幾層, 樓下係賣酒, 而樓上就係任食火鍋~
佢地除左有BAR枱之外, 魚缸放了多款海鮮, 見到各款海鮮都跳跳紮好生猛, 令人胃口大開!
飲品都係任飲既, 有好多汔水、酸梅湯同埋蔗水,
其中蔗水好清涼, 又唔會好甜, 而且仲可以下火去熱氣, 唔錯呀!
湯底方面要左蕃茄牛腩湯, 用上大量新鮮的蕃茄來熬, 味道酸酸甜甜, 有大陣蕃茄既清香!
再加上放入左牛腩, 有番啲肉味, 就咁飲都好飲!
混好醬就可以起筷了!
跟餐既魚生刺身都幾好食同幾新鮮, 有三文魚, 墨魚, 蝦, 赤貝等等, 色澤鮮明, 食落去有鮮味,
我一半用來當刺身, 一半當火鍋佐料, 二樣食法都不錯~
海鮮拼盤-份量都幾多幾豐富, 有梘, 大蝦, 元貝, 生魚片,帶子等等, 大蝦仲係好生猛, 跳跳紮的,
而帶子元貝都好新鮮, 味道清甜, 係個高質素既海鮮拼盤~
肉丸方面試左鯪魚丸, 牛肉丸和墨魚丸, 幾款丸都用料充足, 食落去彈牙又鮮甜,
最喜愛墨魚丸, 入面有粒粒既墨魚粒係入面, 好有口感好好食!
之後就可以隨意係70幾款配料度揀野食！
冰豆腐幾有口感，灼熟左吸左大量湯底，好惹味呀~
芋頭可能當造既闗係, 入口粉嫩, 用來做火鍋料好好食!
叫左啲山根, 豬紅, 水尤, 花膠等, 幾款都係水準之作, 幾爽口幾好食!
豬頸肉、粉腸都唔錯, 食落去沒有難食既豬肉"壓"味, 清洗得好乾淨, 放心食!
牛肉肥廋得宜, 雪花紋唔算太多, 入口有豐潤之感, 好有牛味又唔韌, 好好食!
其實都已經好飽了~ 再食少少蔬菜、蓮偶、腐竹等等幫助消化又清清腸胃就Very good了!
總括來說, 以一個價錢就包任食火鍋, 刺身肉類海鮮拼盤, 相當唔錯, 來到周五, 可以好好去大拆一餐, 也算是 為自己加加油打打氣呢~
寶哥火鍋味館
23320998
沒有留言:
張貼留言