<美味>~ *特色漢堡店@ Bigger Burger Cafe ~*

上周六和媽咪又去了尖沙咀行街, 買完野後經過佐敦, 見肚子有啲餓, 於是就順便在滿佈食店的佐敦揾間食店坐吓食吓野~

 

揾到一間食Burger的店子叫"bigger burger cafe" 主打漢堡, 見價錢都幾抵, 店子內都幾舒服, 裝修都好靚, 於是就走入去了~

店裡的選擇都幾多, 只是漢堡包都有好多款!!! 價錢豐儉由人啦, 由最抵食既安格斯burger到貴價啲既鵝肝burger都有, 另外呢度都有lunch set, 價錢就仲抵食, 加hkd 25 仲可以升級做瘋薯呢~

 

 

媽咪點左貴價少少的炭燒澳洲180日穀飼T 骨牛扒, 而我就點左個特厚鵝肝安格斯漢堡, 加hkd 3 可以upgrade 做涷咖啡~

涷咖啡口感不會太苦, 咖啡味道濃郁, 不錯~

先上了我的特厚鵝肝安格斯漢堡 - 賣相好靚呀!!!大大個的漢堡放滿碟,將包放在一旁, 大大塊又厚身的鵝肝和安格斯就可以一目了然!!! 靚既賣相真係會令到人視覺上好開心, 食慾大增呢!

  

另外都加hkd 25 upgrade左個薯條變做煙肉忌廉瘋薯- 呢個好好味喔!!! 

忌廉好惹味又香口, 煙肉粒粒炸到卜卜脆, 再加上瘋薯切得粗粗的,

食落去好香薯仔味, 亦好有咬口, 好味!

 

 

炭燒澳洲180日穀飼T 骨牛扒 - 真的是慢工出細貨, 我食完包包, 媽咪的牛扒都未有, 幸好呢度啲服務員細心又好禮貌, 原來呢個牛扒要慢煮, 所以出菜慢一啲呢~~要緊要吧~

一上菜就嘩一聲!! 因為真係冇諗過咁特別的! 整塊T骨牛扒慢煮, 己變成香香的牛肉碎, 一口超嫩滑! 用上炭燒的方法來整, 就更加惹味到頂點了!!! 外面用上酥皮來包住, 酥皮是啱啱侷好就拿出來, 整個感覺是非常特別, 就算是老人家小朋友都會喜歡~

Bigger Burger Cafe

佐敦白加士街42-50號金寶樓地下6號舖

T:  28736668