2018年5月29日 星期二

<美味>~ *再臨SHINE! 一樣咁好味!~*


SHINE 係其中一間我好喜歡既西餐廳, 因為地方好好坐, 環境佈置好靚好有情調,
再加上食物質素好高, 尤其是飲品, 之前試左幾款都好好飲, 所以昨天和媽咪放工來左呢度食個FINE DINE~~~



坐低之後, 友善既服務員送上MENU, 今日好彩客人唔算太多, 所以服務員服務就更好了, 成餐飯都食得好開心~Nice~~


餐廳定時會推出新menu, 價位來講唔算好貴, 係合理價位~


我地叫左幾樣野share食, 包括

佐酒小食拼盤
三式醬香趣雞翼
忌廉菠菜雜菌扭紋粉(素)
海鮮墨汁意大利飯
Smoothie Banana Chocolate
Peach Yogurt


 佐酒小食拼盤 - 坦白講, 以HKD 168 來講係有啲失望, 內有炸蠔、炸軟瞉蟹等等,
但估唔到三大件又厚又大件既洋蔥圈就佔左成碟既一半了,
雖然整體味道都冇叫我地失望, 炸漿唔會太厚, 食落去也熱辣辣香噴噴
但係感覺上唔係幾抵囉, HAHHAHAHAH~~~

 

三式醬香趣雞翼 -  好有驚喜既一道小食! 雞翼炸到好脆口, 係啱啱好唔會炸到好乾,
雞皮夠香脆, 而且雞肉夠嫩滑,  再配合三色醬, 整體味道係超好吃!


忌廉菠菜雜菌扭紋粉(素) - 本以為會淡口少少, 但原來又唔會, 忌廉菠菜汁黏滿每條扭紋粉,
好香口又惹味, 再上雜菌本身既香味, 實在係一啖接一啖咁唔停食落去~





 海鮮墨汁意大利飯 - 呢餐飯既亮點! 新鮮既海鮮鋪滿碟面! 分別有大蝦、青口、帶子、小帶子龍蝦肉, 全部都好爽口好清新! 蝦肉好彈牙, 最中意帶子, 咬落去好爽彈, 充滿帶子香味,
而墨汁飯因為吸了好多汁, 所以入口會Creamy少少, 食完會有好滿足既感覺~



Smoothie Banana Chocolate - 好好飲!!!! 濃濃既朱古力入口好滑, 甜度適中, 而且香蕉味非常濃郁! 應該是用上原條香蕉來打成先有呢個咁濃既味道, 再上面頭既蕉片同cream, 真係唔可以放過~!

Peach Yogurt - 媽咪話一樣咁好飲!!! 成杯有着好清香既桃味, 入口桃味濃郁, 但呢杯比較輕鬆一點, 而banana果杯就會heavy少少, 飽肚少少, 二杯都咁好飲!


2018年5月28日 星期一

<美味>~* 非常出色既小店@貴族疍糕~*


上星期去完花墟買花後, 也一併想買些疍糕回家食用, 途經一間店子名叫"貴族旦糕" , 門面是小店格局, 但客人很多, 人流不絕, 出面亦貼了些相片, 疍糕看來幾美味, 所以就一入內購~


餅鋪店子細細, 但供應各類糕點,新鮮面包, 而且還有很多特式美食, 就連鳳梨酥, 鳳梨疍糕也有!!!



看了一會兒後, 由於媽媽想吃鮮忌廉疍糕, 所以我地買左一個2磅裝的什菓鮮忌廉疍糕, 上面寫有大大個HAPPY BIRTHDAY, 造型又繽紛又可愛, 側邊圍着滿滿的朱古力碎粒, 旁邊則鋪滿新鮮的什菓, 包括有士多啤梨, 甜桃, 奇異果等等, 美美的又大個!




什菓疍糕好好食!!!! 忌廉又滑又香口, 疍糕柔軟綿滑,再加上入面放了點鮮甜的生果, 每一口都有着疍糕的疍香和忌廉的美味, 好好食喔!



鳳梨疍糕同樣充滿驚喜!! 本來疍糕已很清新可口, 甜度適中, 而且一點都不漏, 怎知疍糕中放入片片甜甜的鳳梨片, 咬下去充滿鳳梨的清新氣息, 真的又清香又可口, 讚!




鳳梨酥都好好食~!! 入口好酥化但餅皮又唔會跌到一地都係, 入面既鳳梨料食到有絲絲鳳梨肉, 而且口感有啲似夾雜左少少疍黃蓉, 絕對不比台灣買既失色, 好好食, 非常唔錯, 會再幫襯~

貴族疍糕
23929399

2018年5月25日 星期五

<生活>~* 繾綣青馬。盛大婚宴在銀灘Club One~*


Tie a Knot - 相信是不少人的夢想~ 找一個對的人, 在對的時候走入教堂, 
在親愛的親友見證下, 簽字共訂盟約, 是多那麼重要的一件事!



所以要選擇一個理想的結婚場地, 真的不能馬虎,
正值我家表妹又快與男朋友拉埋天窗
所以就趁上星期日- 520, 來到Club One位於馬灣的銀灘婚宴場地
和她一起參觀一下, 給些意見呢~


銀灘位於馬灣, 本以為會很遠, 交通很隔涉, 但原來都不會噢!
大家可以選擇陸路或水路, 陸路可以在葵芳站或青衣站乘的士
大約8-10鐘就可以來到臨海廣場
選擇水路的話, 可以在中環碼頭渡輪出發
乘渡輪到達馬灣亦只是5分鐘  




 我選擇在青衣城的巴士站上車, 之後轉乘新巴就可以直達馬灣~ 又快又方便!






很快就來到銀灘了! 這裡景色比我想像中還要美、還要浪漫喔!

ClubONE銀灘的景色,正正是與大自然的元素融和
為新人提供一個香港絕無僅有的「青馬銀灘,海天共證 」的證婚場地
來到這裡證婚一定有着美好回憶!






ClubONE銀灘內以海洋作主題,令人感受到如海洋般的愛!
會場內位置寬敞闊落, 午間證婚可以容納最多250人!
而且現場沒有柱位, 更可以令到每個賓客都能清楚看到台上
和新人一同見證着這歷史時刻!

而且這裡有多部投影器, 新人可以把自己的珍貴片段和相片投放這裡,
和來賓一同分享甜蜜的時光~

 

現場已有不少新人前來睇場和預約婚禮酒席了!
很熱鬧亦同時瀰漫着浪漫甜蜜的氣氛呢~



另外, 室內牆身與天花,是以鸚鵡螺貝殼紋作設計
鸚鵡螺的特性是身軀與貝殼水不分離
比喻著愛情的堅貞矢志不喻

新人亦可以按自己的喜好佈置場地,打造專屬的婚宴場地~


 

每個枝節位都佈置得很有心思
個人覺得見微見著, 這裡微小如一紮花、一張枱布都是美美的
這些都令人留下好印象, 都令人覺得這裡就是理想的婚宴場地!




宴會全廳可以宴開28席, 而且租場費用全免
對於想擺多點圍數、又或親友較多的新人
這裡的確是理想的宴會場所!



主家席方面與大台相當接近, 方便新人來回穿梭台上和席位
用上橙色桌布來襯托出喜氣洋洋的感覺
就連張座椅都綁上美美的橙色絲帶
充份突顯主人家的氣派呢~




宴會廳旁邊設有酒吧, 可以在這裡設置席前酒會cocktail reception
讓賓客細味各款精美的小吃、沙律和賓治/酒類~
精美小吃包括吞拿魚黑蟹籽多士、香烤德國肉腸、意大利青芝麻闊麵、
法式蔥油長通粉、凱撒沙律、什菜沙律、
飲品可選什果賓治、紅酒賓治、薄荷賓治等等~





新娘房同樣闊落、簡潔、寧靜,
設有獨立洗手間, 私隠度極高
讓新娘和姐妹們可以在這裡的舒服的化妝、換妝和更衣
而且房子內所需用品齊備, 包括整妝用的風筒
另外亦有夾萬, 那就不怕big day 當中出亂子了~

 

宴會廳外面同樣舒服和乾淨, 遠眺整個青馬橋和馬灣
柔和的海風吹來, 令到所有賓客尤如置身海外的世外桃園一樣
真正的景色如畫! 





另外, 銀灘這裡還有非常浪漫的戶外海景證婚區
尤如關島和沖繩的婚宴場地,
讓新人不用出國, 都可以在這裡舉行證婚儀式,自然景色盡入眼簾
一對新人在玻璃天橋步入會場,接受親友們的祝福!

證婚時,一對新人背後的海天一色青馬景色
為各新人添置一個異國情懷、歐陸式的浪漫婚宴~


除了戶外海景證婚區,這裏還設有室內證婚區, 就算突然下大雨,
都可以稍移玉步來到這裡證婚呢~

表妹睇完場後覺得非常滿意, 她已和未婚夫決定在銀灘這裡證婚和擺酒了~



https://www.clubone.com.hk
https://www.facebook.com/clubone.com.hk/


 我和ah beefacebook開通了
 歡迎來到這裡探訪

  Link : Bee Happy


https://www.facebook.com/pages/Bee-Happy/284272761699282