<美味>~ 高級韓食@ 木槿花韓牛專門店~*

 

上周五放工又係HAPPY HOUR 既時候

自從冇做鬼佬公司後, 好似少左好多呢啲活動

好想念之前既日子呀! (不過而家都好好)

所以放工後就約左好友, 諗住去SOHO 揾揾好野食~輕鬆一下~

行行吓經過一間餐廳, 呢間餐廳之前我來過食架, 

係食西餐既, 但原來已經結業了><"

後來開左呢間名叫"木槿花既餐廳

睇睇招牌有韓文架~ 應該係食高質素韓國烤肉

所以就入來試試了~

木槿花既裝修大致上同之前既西餐廳差唔多, 都係非常清靜雅緻~

牆上仲貼左好多明星來過既相, 同埋雜誌專訪

未食都比左信心食客呢~

價位方面, 當然係同質素成掛勾了! 不過又唔算好貴, 幾百蚊我覺得係合理價喲~

點左韓式烤肉餐後, 態度親切又勤快既服務員立即送上三款好味既前菜, 分別是大豆芽, 漬菜和泡菜, 三款都食得出好新鮮, 大豆芽粒粒又大又脹卜卜, 泡菜酸辣度得宜, 好好吃!

這個烤肉套餐有三款高質牛肉, 雪濃牛肉湯, 白飯, 前菜, 另外可加HKD 40 無限添飲汔水和指定啤酒~

左: 腹脅兩側肉

右: 腩包肉 

為食貓表示兩款肉都極新鮮, 油花分佈平均, 有陣陣鮮肉既香氣, 應該非常好吃！

 

 

腹脅兩側肉係位於牛既腹部兩側，非常接近內臟，所以肉色較深，肉味相對濃厚，亦可生食～

味道方面, 牛肉既味道好濃郁, 肉汁亦豐盈, 再加上厚薄度適中, 略燒幾下就可以食了, 好食!

 

腩包肉 －呢款肉都係近腩部位置，油花亦非常多, 只要略略每邊燒十幾秒, 讓入面既肉汁比外層鎖住, 就可以食了!

呢款肉食上去口感豐潤, 雖然近腩但一啲都唔肥膩呀!!! 食落土好Juicy 好好味!

 

封門柳 - 封門柳是控制橫膈膜的肌肉，每隻牛只有兩塊 (見上圖近牛尾對上小三角形那塊就是了), 面積很小, 非常珍貴的一塊肉!

 

個人最中意呢款, 因為無論牛味程度, 豐澤度都係呢款都好, 再加上佢亦係三款當中至高級既, 

真正入口即溶, 係極級既享受!

雪濃湯都唔錯呀, 入面有白蘿蔔同埋幾塊牛肉, 有好鮮既香濃牛肉味, 總體感覺唔會好重味好咸, 係鮮牛肉同蘿蔔整成既湯, 落少少泡菜吊吊味仲好食! 

  

白飯唔會太大碗, 女仔食都夠~

烤肉可以用上生菜同埋蒜頭來包, 生菜脆卜卜, 幾好食~

 

只要加HKD 40 就可以任飲HITE 啤同特飲, 我第一次飲地椚既果汁, 原來幾清甜幾好飲架~

  

木槿花韓牛專門店

中環士丹頓街33號地舖  

25051723 

<美味>~* 以蒜入馔@Mad For Garlic~*

早前很多杂志都对蒜的功效加以肯定, 知道蒜是重要的养生好品之一, 所以这天就带了妈妈来到又一城的Mad For Garlic 试试它们出名的各种以蒜入馔的名菜~ 

蒜香忌廉汁煮鲜活蓝青口配法包片 - 口感丰满谐和, 大蒜和忌廉汁绝配,蓝青口很大颗, 肥美饱满, 鲜味十足, 法包香脆, 叫人回味~

蒜香 忌廉汁蟹肉及龙虾肉意粉 - 大量蟹肉及龙虾肉洒在爽弹意粉上, 每口都有鲜味十足的蟹肉及龙虾肉, 再配上惹味十足的蒜香忌廉汁, 入口不会油腻, 

个人推介.

Latte - 奶味醇和浓厚, 甜度适中, 令人满足

Mad For Garlic

九龙塘达之路80号又一城1楼L1-34号铺  

31059639 

 

<美味>~ 在茶記食不錯中菜@世華餐廳~*

上周未因為約左朋友係尖沙咀交收, 攪惦後係附近返工既表妹

本身諗住一齊去茶記食個快餐

但表妹話佢平時食開TEA果間世華而家晚餐走中價中菜路線

坐得舒服, 服務唔錯, 食物都唔錯, 想帶我試吓喎

好啦, 就一齊去吧~

 

其實世華我都來過幾次, 不過一樣係食TEA多, 佢TEA選擇好多又抵食, 不過中菜都係第一次試~

行入去上左呢條樓梯就來到樓上雅座了! 樓上鋪闗係, 真係好大間, 地方好乾淨, SOFA位都好多, 坐得好舒服~

坐低後望吓餐牌, 又真係喎, 除左有小菜外, 仲有高級既蟹肉翅, 花膠燉雞, 螺頭湯, 價位都唔係天價, 平民百姓都可以試吓~~

不過我地今次叫左幾個大眾少少既小菜, 包括: 窩疍牛崧煲飯, 清湯蘿蔔牛腩煲, 潮式煎蠔仔餅

 

清湯蘿蔔牛腩煲 - 湯底好有濃郁既清湯牛腩味, 清清地滲住牛香, 好好喝!  餐廳比左好多牛根我地呀!! 如果只係得牛腩相信就好悶了, 而家一半根一半腩, 唔錯呀!

牛根爽彈好有口感, 有好多骨膠原呀XD 而牛腩都炆都好淋, 食落唔會又硬又韌, 蘿蔔清香鮮甜,滲入左滿滿既牛腩汁, 相當好味呢~

窩疍牛崧煲飯- 呢個係二人份量, 所以都幾多吓~~~ 係茶記食到煲仔飯覺得好幸福喲!

首先牛崧好嫩滑好淋, 有清香既牛味, 中間放左隻窩疍, 將疍同牛崧攪抣幾下, 美味又濃郁既疍汁就將牛崧同白飯滿滿包圍, 再加埋少少飯焦, 美味!

 最後是潮式煎蠔仔餅, 份量頗大, 但坦白說係有少少乾, 而且蠔仔唔算好大粒, 不過疍都炸得幾香幾脆, 都算唔錯~

世華餐廳

尖沙咀北京道71-77號誠信大廈3樓  

31021380 

<美妝>~ 便宜好用的化妝掃@ ZOAY~*

一向都極度喜愛ZOAY的化妝掃, 因為價錢絕對係貼地之選

再加上質素極高, 毛質好柔軟, 抓粉力特強

所以年前我都買了一SET回家~

見差不多是時候換些新的回家

在它們的網頁看一下, 價位依然是超值非常

所以手滑下入手了幾枝腮脂碎和碎粉掃回來~

今次我入手了5枝掃, 計埋都不用三百元, 價位不錯耶!

#3WH 特大頭碎粉掃 $69.00 

 #6WH 圓頭胭脂掃$59.00 

#1 香檳金大頭伸縮掃$69.00 

#202BK 扁頭粉底掃 $36.00 

#13 伸縮小胭脂掃$39.00

 #3WH 特大頭碎粉掃 $69.00 

 定妝必備的化妝掃

特大圓頭設計，可以均勻把碎粉塗於面上，達到更好的定妝效果

掃頭層次豐富，可以更有效沾上蜜粉

雖然它是人造纖維, 但是毛質極度柔軟!!! 

一點都不會硬幫幫, 不會刮到你柔軟的肌膚~摸上手超級舒服呢~

而且它不是用上小動物的毛來製造, 沒有殘酷沒有殺害

絕對是一件美事!

 

只要在碎粉上沾幾下, 它就會把碎粉好好抓住

不會把粉粒飛到周圍

之後就可以把掃掃在面上

毛掃掃在面上感到柔軟舒服

亦能把粉粒均勻地塗在面上

不會有一條條毛毛甩掉呢, 質素相當不俗!

#6WH 圓頭胭脂掃$59.00 

圓頭設計，特別配合顴骨位輪廓，可以很自然地把胭脂塗上

又不會太過誇張，輕易打造甜美的可愛妝容

有效沾上胭脂，兩三筆已經可以把胭脂均勻塗在臉上

是一支很值得入手的專業的胭脂掃

 

圓頭胭脂掃比剛才的特大頭碎粉掃小一點
拿在手上很好握, 毛質亦同樣柔軟順滑


 

再加上毛毛很多很密, 所以沾腮紅時
就更能把顏色大範圍地塗在面旦上
締造白裡透紅的自然亮麗紅色
不會塗到一撻撻不均勻呢~

真心讚!

 


 #1 香檳金大頭伸縮掃$69.00 

伸縮設計,方便帶出街補妝用

毛頭特大,出街補妝定妝一樣無問題

用高級纖維制成，毛質鬆軟舒適

淺金色外觀設計,亮眼又高貴


 

 

 這枝真心方便好用! 因為是伸縮設計, 帶上街用超級方便!

毛質同樣鬆軟, 觸感温柔, 而且它的毛頭比較大,

可以大範圍的把粉粒塗在肌膚

所以妝感會比較自然立體

它可以充當碎粉掃和胭脂掃二用

用完時可隨時把它收在金色筆幹上, 

毛頭不會沾到外物, 衛生又方便!

 #202BK 扁頭粉底掃 $36.00 

粉底是打造貼服底妝的重要工具，毛質的軟硬十分重要

ZOAY所有的粉底掃的軟硬度適中，用上臉時很舒服，令人更享受化妝的過程

可以上bb cream 及粉底液

扁身設計可以打造專業的底妝，遮瑕度是多款粉底掃中最出色的

很多化妝師都會用扁身化妝掃幫客人化宴會妝，新娘妝，舞台妝等專業妝容

個人覺得塗抺濕粉底, 用化妝掃會比用粉卜感手指來上, 更加均勻~

因為毛掃能夠順應毛孔, 一下一下就把面部每個位置都塗好

而粉卜或手指就很難在某一些位置如鼻翼咀角位置塗得均勻

所以我一向都很喜歡用濕粉掃上妝,

妝效亦比較自然, 不會太厚太誇張!

而這枝扁頭粉底掃除了價位超值之外,它的扁平身能把面上每個位置都照顧好

扁平形狀亦非常容易控制, 塗好後粉底是特別滑溜和貼服, 妝感不俗呢~ 

  

最後是#13 伸縮小胭脂掃$39.00

伸縮設計,方便帶出街補妝用

市面上很少有伸縮設計的胭脂掃,所以很值得入手

修長的設計,高貴又時尚

同樣是腮脂掃, 這款是伸縮設計, 帶上街用都好方便, 再加上只是三十幾元,

毛質同樣柔軟, 抓粉力度一樣強, 均勻地把胭紅塗在面上, 是一款方便上街補妝的小工具呢~

https://www.zoaybeauty.com/

我和ah bee的facebook開通了
歡迎來到這裡探訪: 

 Link : Bee Happy