昨天路經青衣城, 因為想去ZARA換件貨, 攪惦後就打左比個舊同事,
睇吓佢有冇時間出來同我食個晚飯, 咁啱佢又唔洗OT 喎
咁就好了, 拿拿臨去左二期果度揾吓有咩好食先
原來二期果度新開左好多餐廳呀!!! 都有好多選擇
由於朋友想食thai 菜, 所以我地來左呢間mee lemongrass 了!
餐廳唔算太細, 但客人真係好多既闗係, 坐得有啲迫呀!
而且食完後, 伙計會好快幫你收拾好, 效率都幾快!
見每一枱都點呢個波士頓龍蝦喇沙, 賣相相當唔錯, 隻龍蝦大隻到橫跨成隻大碗
而且碗溂沙超大份量,望吓價錢,只係HKD 84! OMG!唔叫真心對唔住自己
不過呢度有限定數量架, 建議一坐低就叫左先啦, 賣晒就冇架LA!
我地先點左無骨海南雞飯餐, 賣相唔錯, 有白飯, 清菜, 大大碟海南雞同埋瓜湯一大碗~
海南雞 - 雞肉幾皮幾滑, 雞皮都好滑好好食!!! 同埋要讚吓跟餐個二色汁, 點啲黑醬汁即時令到雞既鮮味Upgrade, 變得更加鮮味又好食!
飯就冇咩特別, 不過真係好大碗!! 一個人食完又飽又滿足!
菜就白灼既, 比較清淡, 不過減緊肥既朋友好中意~
我自己再點左點馬拉盞炒芥蘭- 好好食! 芥蘭又爽又脆口, 馬拉盞既惹味又唔會太咸口, 唔錯!
食泰國野又點少得無骨鳳西爪沙律- 份量十足, 酸辣度亦好, 食落去好開胃又唔會太辣, 而且鳳爪彈牙又脆口, 好食!
最後要了個炸蝦餅- 呢個炸得有少少實, 咬落去冇咩彈牙感覺, 不過炸得幾香脆, 而且一碟四件,拉番唔好分數~
Mee...lemongrass
青衣青敬路33號青衣城2期2樓223號舖
23472368
沒有留言:
張貼留言