<美妝>~* 玩玩唇妝吧!~* NYX 。DIOR~*

夏天絕對是充朝氣的季節, 走在街上, 雖然炎熱天氣令到心情不爽,

但亦無損我對彩妝的熱情, 尤其是唇妝部份, 今季各大品牌推出不少顏色耀目的產目,

今次就為大家試試3款唇妝產品耶~

它們分別是

1) NYX Lip Primer

2) NYX Lingerie Shimmer Chatoyant

3) Dior Addict Lacquer Plump

塗唇膏前必先記着要塗潤唇膏和primer 打底喔!!

這枝是NYX Lip Primer, 是一枝可以用作唇部打底和修正筆用!

整枝筆設計不錯, 相當好握, 顏色是自然的裸肉色, 在塗唇膏前用它來打底就可以了!

它主要作用是確保後塗上的唇膏能夠更加持久, 而且能夠準確地勾劃出唇型, 令到整體唇部輪廓更加sharp!

 筆頭很順滑, 相當好劃,粉質幼滑, 而且不會有太大顏色,

是淡淡的肉色, 用來勾劃唇膏, 亦可作修正筆用, 如果唇膏劃到出界可用它來修正一下呢~

塗上潤唇膏後就直接塗上它, 會發覺之後塗上的唇彩是更加持久, 更加貼唇, 

而且能把不小心劃出界的唇彩唇膏立即糾正, 再加上價格親切, 不錯喔~

來上點唇蜜吧~

這次用上NYX Lingerie Shimmer Chatoyant

色號是LLS06 BUTTER

這個偏乎裸土色絕對是我杯茶!!! 顏色温柔, 自然又討好,

而且掃頭好柔軟, 亦能全面塗上咀唇,

再加上有少少珠光效果, 塗出來好漂亮喲!

塗出來有很閃爍效果, 不過Shimmer又不會太誇張,  唇蜜亦很滑感覺很細緻,

掃頭塗上去都很舒服, 再加上持久度都不錯, 單塗是有少少閃閃的啡金色在唇上, 

近看遠看都很吸晴!

塗好了, 唇部皮膚立即變得細緻、光滑又雅緻, 再加上微閃效果, 不會太誇張呢~

再來試試 Dior Addict Lacquer Plump

色號是677 - Disco Dior

這款是非常奪目的shocking pink!! 顏色有點誇張,

鮮豔的粉紅再配上銀底效果, 適合夏日party 使用~

Dior Addict Lacquer Plump 塗在唇上有微微豐潤的效果, 咀唇看起來比較豐滿,

而且他家的唇妝產品果然出色! 質地更加絲滑, 更加水潤貼服,

而且不會令到唇部變乾, 塗久了都持久、潤澤、自然漂亮!

我和ah bee的facebook開通了
歡迎來到這裡探訪: 

 Link : Bee Happy

<美味>~ 誠意和高質食物去招呼客人@囍慶酒家~*

舅父生日, 當然要找間 一家大細都啱食既中菜館/酒家去食生日飯吧~

其實我幾星期前已開始揾中菜了, 好彩同事有好介紹, 介紹我去土瓜灣既囍慶酒家

話呢度食物好食, 而且地方又夠大, 價錢都好相宜, 老人家應該中意~ 

囍慶酒家係土瓜灣馬頭圍海悅廣場2 樓, 雖然地方有少少駁腳, 但我係金鐘再搭巴士, 大約唔洗半個鐘就到了~

來到真係覺得地方好闊落喎!! 而且服務員全部好好笑容, 態度都非常親切, 成餐飯老人家好開心呢~

呢度推出左好多好好好抵食既套餐, 由於一行都有四人, 所以叫左個"十全十美"套餐, 只係HKD 898, 就包括

- 上湯龍蝦伊麵

- 豉椒炒蟶子皇

- 白灼九節蝦

- 清蒸游水龍躉

- 勁蒜蒸元貝

- 薑葸粉絲蟹煲

- 酥炸大生蠔

- 紅燒皇子乳鴿二隻

- 金粟海鮮湯

- 金銀疍浸菜苗

 

 

呢度飲品都係任飲既! 我地叫左一楂椰子水, 清涼入心, 甜甜地好好味~!

上湯龍蝦伊麵

份量十足,  龍蝦有2-3大隻, 肉質又肥美又結實, 而且非常新鮮!

上湯煨入晒味, 伊麵底都又彈又好食!

 

豉椒炒蟶子皇 - 新鮮蟶子皇都好好食又爽脆, 呢度啲海鮮真心不惜工本又唔錯!

白灼九節蝦 - 大蝦真心隻隻都肥0都0都又大大隻, 而且肉質好爽身, 唔會甩頭甩骨, 而且蝦頭有肥美既膏, 真心好味!

清蒸游水龍躉 - 超級大條!!　龍躉肉質鮮美，入口一啲都唔腥, 充滿魚既鮮甜味, 

就連我唔太愛食魚都覺得好味!

勁蒜蒸元貝 -  味道一般, 元貝好似老左少少, 所以入口較鞋身, 而且粉絲太多, 相比起其它海鮮, 呢個失少少分~

 

薑葸粉絲蟹煲 - 美味又翻番來!!! 用石窩上好夠熱!!!  原隻蟹用薑葸粉絲來屈, 好入味又惹味!!!

而且肉蟹好多肉, 食落去肉質好爽身, 係新鮮貨先有此鮮味~ 

酥炸大生蠔 - 酥化又夠蠔味, 一口咬落去, 濃濃既蠔味都係化唔開, 好食~

紅燒皇子乳鴿二隻 - 食到呢度都好飽了~~~ 不過見到燒到咁脆卜卜既乳鴿真心忍唔住咬二啖!

嘩, 個皮真心脆, 再加上肉質好嫩滑, 咬落去仲有滿滿肉汁, 好食呀!

金粟海鮮湯 - 清香醇喉, 用上多款新鮮既海蝦來熬製, 湯底又鮮又清甜, 

而且充滿濃濃既粟米味道, 成個味道好夾!

金銀疍浸菜苗 - 份量都唔少, 菜湯一啲都唔咸, 鮮味十足, 再加上有少少惹香既金銀疍,

送飯一流!

以為食飽了- 未呀, 笑意滿面又招呼親切既服務員送上疍炒飯, 一大碟份量超多, 炒飯充滿疍香, 最後都係食唔晒打包走...

最後食埋唔會太甜既紅豆湯就走了~~

 

個人覺得用誠意和高質食物去招呼客人才是皇道, 而這間酒家的確是做到了, 

 日後會多啲幫襯呢~

囍慶酒家

土瓜灣馬頭圍道209號海悅廣場2樓  

 27128168

<美味>~ *一窩二食@喜點.鮮鍋粥底點心專門店~*

爸爸今天忽然放早, 打電話約我去食打邊爐, 想起上星期和好朋友經過長沙灣天悅廣場有間叫"喜點.鮮鍋粥底點心專門店, 看來好似唔錯, 所以就約左爸爸來這裡打個邊爐~

喜點.鮮鍋這裡主打有米粥鍋 + 邊爐, 有二款可選, 一是HKD 258 (二位起)/ 位, 限時2.5小時,
有生猛龍蝦, 多寶魚, 海鮮, 鮑魚, 貴妃蚌, 聖子皇, 黃金蜆, 肥牛

而另一款平少少的就HKD 198 (二位起)/ 位, 同樣限時2.5 小時, 有肉蟹 (每位半只), 多寶魚, 海蝦, 鮑魚,  貴妃蚌, 海沙白, 黃金蜆, 肥牛

我們點了有 龍蝦那款~

服務員很快送上湯底, 亦送上一碟有粟米, 南瓜, 芋頭粒用來作之後的米粥用

他着我們先放上粟米在湯底上, 就可以先打火鍋, 我試了湯底都幾清甜, 就快快送上粟米來開始了~

海鮮盤都很快送上來, 份量十足, 這個是二人份的, 包括剛才提到的有生猛龍蝦, 多寶魚, 海鮮, 鮑魚, 貴妃蚌, 聖子皇, 黃金蜆~ 

肉眼望上去, 全部海鮮都非常新鮮, 亦有海鮮淡淡的香味~ 

鮑魚 - 每人一只, SIZE唔算細, 都幾大隻, 肉質又爽又厚, 食落去好彈牙, 正!

貴妃蚌- 好好好鮮甜, 而且貴妃蚌都真係幾多肉, 每人有二只剛剛好!

稍為滾下就食得, 蚌肉厚身又夠鮮甜, 充滿爽彈既口感, 好食!

聖子皇 - 水準之上, 爽滑又彈牙!

主角生猛龍蝦 - 都係冇得輸!!!  每人有一隻釵和肉腿, 龍蝦肉爽身又彈牙, 食得出係新鮮貨, 唔錯~!

 

黃金蜆 - 細細隻但冇砂, 食落去好有鮮味, 而且蜆有補血功能, 多吃有益!

肥牛- 肥廋得宜, 油花分佈平均, 灼二灼就食得,食落去唔會太刷, 豐潤又充滿牛味~

食完海鮮後,就可以食其它火鍋料了~

呢個餐可以係配料紙度揀8款火鍋配料, 我揀左魚皮鮫, 生菜, 響鈴, 台灣黑椒腸, 竹生, 粉腸, 墨丸, 等等~

相比起新鮮海鮮來說, 火鍋料就比較普通, 但又不會太差, 是水準左右吧, 不過要注意份量真係唔算多, 例如丸類(墨魚)這些, 每人只有一粒, 二人點了八款, 但其實都不算太多, 不過都唔怕呀,因為仲有米粥食!

 打完邊爐後, 可以請服務員來加點米粥在火窩湯底內, 再倒入剛才的小南瓜和芋頭等等, 服務員再會加入冬菜和小小油渣, 令整個粥食起來更有口感!

米粥味道好好呀!!! 真係好有驚喜!! 起初以為係普通野冇咩特別, 但原來加左米粥, 再加少少冬菜油渣同埋配料, 嘩, 成個層次出晒來, 味道唔會太味精太咸, 食落去米粥好綿好滑, 南瓜芋頭增加唔少咬口, 再加上冬菜油渣簡直係神來之筆, 每一口都帶鮮同甜, 好好食呀!

 以HKD 258 來說, 一窩二食, 仲有唔同既新鮮海鮮, 可以試試~

喜點.鮮鍋粥底點心專門店

長沙灣青山道155-181號天悅廣場地下CA7-CA8號舖  

 23803899