Happypy's Blog : 8月 2018

2018年8月30日星期四

<美肌>~ * 日本大熱BCL AHA潔面膏系列~*

徹底清潔皮膚絕對是護膚重要的一環,
如果每天化完妝不好好把化妝殘清洗出來
污漬, 汗水就會把毛孔阻塞住
引致豆豆、暗粒等問題發生
還有就是使後續的護膚品不能好好吸收
浪費金錢和功夫呢~

最近試了來自日本的BCL AHA潔面膏系列
它家的產品一直在日本大賣!
特別是AHA潔面膏系列
能溫和果酸洗走夏日肌膚問題，擊退暗啞、粉刺、瑕疵等問題!

BCL AHA潔面膏系列共有4 枝~
今次我試上了二款, 分別是3 in 1 淨痘袪印洗面膏和 3 in 1溫和潔淨洗面膏

3 in 1 淨痘袪印洗面膏

雖然小妺本身極少長豆豆, 但一到夏天, 面部就很容易出油了><" 所以放工回家我都會極速落妝, 再用上這枝淨痘袪印洗面膏來清洗肌膚, 以洗走皮膚毛孔的污垢!

它的亮點是能洗走殘餘化妝品同帶走油脂污垢
用完即刻感覺清爽乾淨
仲改善埋肌膚暗沉、黑頭、毛孔粗大、肌理粗糙等問題！

淨痘袪印洗面膏是乳白色的膏狀,有淡淡香味, 而且質地不算太濃稠,

擠少少在手心上, 再用少少水就能和出柔和豐富的泡沬了!

如果想泡沬再豐富些, 可以利用起泡網來起出多些泡泡來~

泡泡柔和細緻, 塗在面上非常柔軟呢~很舒服喔~

感覺幾輕柔水嫩, 沒有硬崩崩的感覺~

亦能即時深入毛孔徹底潔淨，迅速溶解污垢油脂呢~

稍為在面上按摩一下, 就能把面上的污垢全洗清了!
過水一下, 就能全把泡沬洗去, 又簡單又方便!

洗好面後,皮膚摸上去很嫩滑和緊緻, 滑滑的就如剝瞉的雞疍一樣,
柔軟亮麗, 而且膚色明顯變得淨白剔亮,
T ZONE 位的毛孔都洗得好乾淨, 保留了不少水份在皮膚內,
不會帶走肌膚的水份,相當不錯～

另一款是3 in 1溫和潔淨洗面膏

用微粒子磨沙及酵素按摩洗顏配方，深層卸妝及清除毛穴污垢，

而當中的AHA果酸成分有效洗淨污垢並去除油脂，

保持肌膚潔淨清爽，減少暗瘡的形成。

這款潔淨效能都不俗, 而且洗完後皮膚不會乾,
能温和地做好保濕同時清潔的功能!
保住肌膚水份，洗好面後，皮膚亦發亮了一樣
鼻翼下巴等等多粒粒的粗糙地方，變得光滑多了！
只用上１－２分鐘就成，果真又快又方便呢！

https://www.facebook.com/bclcompanyhk/

我和ah bee的facebook開通了
歡迎來到這裡探訪:

Link : Bee Happy

<美味>~* 湯底足料好味@養心殿台式養生鍋~*

說說早二天是小妹的生日, 又大一年, a year older a year wiser!
希望今年事事順利, 大家都身體健康!!!

家人有見我大壽, 特別在二星期前訂了養心殿和我慶祝

為什麼會選這裡呢?

因為每次經過見到養心殿的廣告牌, 我就比幾款養身美人鍋所吸引了, 很想試試它們的湯底,
另外還有台式火鍋小食!

旺角店真的超多人, 到達後店員領我們到後面的偏廳, 雖然有點黑, 但情調不錯~

坐好開好茶(茶位每位HKD 20)後, 就可以自己混醬, 弄好自己的醬料~

我們點了湯底- 一半是酸菜白肉鍋, 另一半是美人鍋~可以一次過試勻二款不同湯底~

酸菜白肉鍋有東方大白菜, 極品豬王花腩肉, QQ 粉條, 口感酸辣

而美人鍋就有原隻烏雞, 杞子, 南棗及金華火腿等等, 女士養顏佳品~

兩款湯底都各具特色!!! 美人鍋真的很濃味, 遠遠就聞到葯材的氣味, 再加上原隻烏雞和其它配料, 味道又鮮又濃又滋補, 我都喝了好幾碗呢~

而酸菜白肉都不錯, 味道微酸辣, 白肉有少少脆骨係入面, 食落去好滋味!

我地還點了幾款火鍋材料包括千層涷豆腐、鴨血, 蟹子墨魚滑, 烏冬, 鵝肝墨魚丸(半份4粒)和黑松露蝦丸(半份4粒)等等～

千層涷豆腐 - 幾有豆香味, 而且好索汁, 索滿汁食仲好味呀~

鴨血 - 比我地平時食開既更滑, 口感唔會軟淋淋, 較結實唔會軟淋淋咁, 個人大推~

蟹子墨魚滑 - 真材實料,墨魚滑好彈牙, 再加上脆卜卜蟹子, 滋味十足!

鵝肝墨魚丸(半份4粒)和黑松露蝦丸(半份4粒)

兩款都好食, 蝦丸帶陣陣黑松露味道, 又香又彈又好食! 鵝肝墨丸都唔錯, 相當彈牙可口!

烏冬- 份量夠大, 用來填飽肚子just in case~

養心殿台式養生鍋

旺角彌敦道607號新興大廈1樓106-112舖

23233123

2018年8月29日星期三

~* 態度傲慢、上菜龜速.....@ COTI

對於成日出街食飯既小妺來講, 除左食物味道, 價錢之外,

其實服務員既態度都好重要~

話說上星期六, 約左朋友係觀塘既COTI 飲咖啡食個Lunch, 大約1:15pm來到,

餐廳講真都唔算大間, 舒服既SOFA位得二桌, 如果冇既話就要上高椅,

再冇位坐既話, 出面冇冷氣都有枱一大張, 我同朋友去到都冇位坐了,

於是係度諗住企一陣等下位, 但說實, CAFFE本來就係比人舒服咁飲咖啡

所以我都冇諗住可以好快有位...

企左大約10-15 mins, 終於坐出面冇冷氣既客人頂唔順, 食飽走人...

咁有位梗係坐啦, 一坐就知原來都係硬位來, 因為出面街既熱風係咁吹埋來, 餐廳又唔特別照顧出面既客人, 風扇都冇把, 熱到我大汗叠細汗.....

我都係第一次坐cafe坐到咁熱....

話分二頭, 其實COTI 裝修係幾有格調的, 用上全木來裝修, 幾有心思, 但冷氣唔係太大, 坐係入面都覺得侷, 冷氣真心唔夠~

食物方面, 餐廳主打輕食西餐, 咖啡、疍糕、意粉、多士都有提供, 價位中等~

我點了Rose LATTE, 剛才講過我地大約1:15pm到, 之後就點餐和飲品, 飲品大約等了15-20分鐘就上~

咖啡賣相和味道的確不錯, 咖啡味道突出, 而且奶都好滑,有啖啖玫瑰花香味, 旁邊的小疍糕令人心怒放~

朋友的Iced Tea Latte,味道好淡, 說實沒有綠茶味, 只喝了1/4~

我和朋友喝着咖啡談談天, 不經不覺過左半個鐘, 眼見四圍既食客都到齊飲品和主菜,
於是我忍唔住問那位成日講爛GAG既服務員, 問問仲有其耐先到我

服務員邊拿我的名字開玩笑, 邊說: 我做埋我啲Order就到你架啦"
(我心中咕咕, 那到底你仲有幾多order呢, 你又冇同我講喎...)

於是我又返埋位, 繼續等等等......

等等等...等到杯咖啡同埋拉花都溶晒了><" ...都...仲...未....等....到...我既主菜.......

講緊果時都係2:30pm, 距離我地1:15pm點餐, 都已有成個幾鐘頭上唔到個主菜,
我又忍唔住入去問下爛gag店員, 因為朋友餓到已經拿袋起身準備走人了,
眼見遲過我既客人都己在15分鐘內上齊所有飲品同主菜,
我真心覺得餐廳上菜秩序極其混亂
說實, 果時遲過我地既人客都在用餐了
得我地冇餐, 望望廚房, 原來廚師只有一隻鑊
每煮完一樣東西, 他就要去洗鑊....如此重覆重覆
心想, 如果午巿和晚巿時段, 人客一多點出餐呀?
同埋而家成間餐廳都冇乜客(因為都已過左成個幾鐘, 所有客都食晒走人)
得番我地同埋遲過我地入來既情侶....
都仲要等....

好了,又等左差唔多15分鐘, 終於上左我地既意粉同鰻魚疍多士....(我仲以為係整焗牛扒同海鮮海陸空大餐....)

其間爛gag店員也有同廚師私私細語, 應該是討論我們吧(心想, 都唔係我地錯),
不過算啦, 已經餓都想暈低既我地, 呢刻只想快啲食完快啲走...

其實, 時間真係好寶貴, 恁你食物再好, 都抵銷不了待慢、看不起客的態度來.....

黑名單, 完。

COTI
觀塘鴻圖道90號地舖
31060601