<美味>~ 再臨太陽軒。一樣好味道~*

佐敦的太陽軒, 上次去過一次覺得實在太太太好食了!

除了食物好味外, 服務又周到, 所以這天又再出動,

帶閨蜜好友來試試呢~

 

太陽軒原來有二層,上次在下層, 今次因為太旺, 上了上層吃, 不過明顯下層裝潢得富麗堂煌, 而上層就較迫和沒有太多裝修, 所以如想坐舒服一點, 記住要早啲訂位了!

不過上層的服務員詩詩, 服務真的很周到, 席間還與我們介紹菜式和招呼客人, 令到我們能夠享受食物美味之餘, 更食得好開心呢~

這裡雖然有二人套餐, 但食物都太多, 女生二人驚食唔晒, 所以都係散叫吧!

點了幾個小菜:
反沙芋 香

酥芋茸鴨 

蠔仔肉碎粥 

豆醬炒春菜

 

 酥芋茸鴨  - 好好好味!!! 剛炸好立即上桌!!! 熱呼呼太好食了! 外表炸得酥脆, 內裡的芋茸好好吃! 口感似芋角, 但這個明顯比酥軟, 很香脆很有口感!

豆醬炒春菜 - 口感清新!! 菜不會太老, 食落夠味又唔咸, 幾好味~

蠔仔肉碎粥  - 來太陽軒就係要食佢!!! 呢個係必食推介!    

入面啲蠔仔勁大粒, 粒粒肥嘟嘟,咬落去好鮮好香!  

肉碎又夠多又夠大粒,米粒都大大粒架~

湯底都好清甜,夾埋一齊食,又鮮又甜,大滿足呢~

 反沙芋 香 -依然保持水準!!! 反沙其實是指砂塘, 雖然無可否認糖是比較多, 但咬落去砂糖係炸到好清甜, 入面啲芋蓉粉嫩清香, 整個感覺好潤好甜蜜, 不過如果怕肥怕甜朋友, 可以酙量切走外面啲反沙, 一樣好好食~

太陽軒飯店

佐敦吳松街130-132號地舖  

23779633 

<美味>~ 以菓醬入饌的小cafe@一起果醬~*

某次經過山林道, 看到一間佈置得很女生的小小CAFE, 名字都很可愛,
叫" Let's Jam"一起果醬
腦內就幻想着各式各樣果醬做出來的甜點
一直想找機會試

上星期趁媽咪去聽大戲, 終於拉埋表妹去試了~

Let's Jam 這裡裝潢真的很少女風, 周圍放上充滿文藝風的畫

木製的傢具, 清新的田園派少女公主風

都叫人覺得淡雅舒服, 清新可愛呢! 

 

食物方面, 選擇超多!! 不少菜式以果醬入饌, 感覺新鮮, 出面應該找不到以菓醬整出來的茶吧~

 木瓜鮮奶雪耳- 同樣是以果醬打成的木瓜鮮奶雪耳, 口感似熱鮮奶, 雪耳木瓜不算多, 但底層有好多菓醬, 個人覺得口感偏甜, 以近四十元來喝, 偏貴但可以一試~

果醬九宮格多士- 點了菜后, 窩心的服務員說是日有炭包提供, 不用加錢就食到~~咁當然要試吓~

以9款不同口味的果jam 放上面的九宮格多士, 可以一次過試齊店主的招牌果jam, 而這裡的果jam 是店子自家製做, 果肉較多, 口感偏甜了少許, 用來配面包剛剛好~

  

玫瑰蘋果醬單骨雞翼 - 好好食! 雞翼炸得剛好, 皮好脆肉好嫩, 而且是單骨闗係, 更加容易食, 以hkd 39來說好抵食!!

 野菌忌廉湯-有野菌的淡淡香味, 味道亦適中,但口感稍欠濃稠, 亦沒有太多野菌粒粒在內裡~

感覺清淡了少少, 不愛濃味者應該愛上它~

 

龍蝦汁海鮮意大利飯- 大大隻的大蝦爽口又鮮味! 配料還有青口和帶子, 新鮮嫩滑, 相當豐味, 而飯粒都夠濕潤, 濃郁芳香, 再加上價位公道, 可以一試~

一起果醬

 尖沙咀松山道15-17號地下D舖 

39565646

<美食>~ 再訪PLATO。高質有禮的CAFE~*

上星期和爸爸去了佐敦的中華書局揾本書, 買完後老爸腳痛,
想找間cafe坐低順便食埋lunch~

剛好見到中華書局後面有間cafe, 名字叫PLATO
其實之前都食過, 覺得食物都不錯,
再加上剛好正午12時, 人不是太多,
環境舒服, 所以就入內了~

今日座位超好坐!!!人不多, 服務員相當細心~ 比較起上次的服務
我覺得今次開心好多,服務細心,勤快又有禮貌~

周未都有Set lunch提供，價錢加一後合理吧~

以百來元都食到安格斯西冷, 仲有餐湯沙律不算太貴~

我們點了巴馬火腿早餐, 美國安格斯西冷牛扒配意粉, 加hkd 18 upgrade到龍蝦湯, 

另外點了一客炸尤魚圈~

 

隨set lunch 附上沙律, 沙律味道不錯, 夠新鮮脆卜卜, 再加上面包粒, 好味~


  
2款湯都upgrade做龍蝦湯, 熱辣辣香噴噴, 龍蝦味濃, 口感順和~



小食方面, 炸尤魚圈相當鬆脆, 不過炸漿有點厚, 不過尤魚都很彈呢~


 

爸b的巴馬火腿早餐, 他說疍很香滑, parma ham都鮮味可口, 腸仔口感濃郁, 再加上新鮮的牛角包, 豐富又滿足!

安格斯西冷牛扒配意粉- 牛扒燒得剛剛好~ 豐富的肉汁鎖在內裡, 咬下去很嫩滑, 不過要彈的就係肥肉都幾多, 我本身唔太食肥, 切走晒d 肥肉後, 塊扒得番一半><", 不過都幾好食, 肉香濃郁~

 

加錢點了杯latte, 賣相不佳, 但口感不錯, 淡淡咖啡香, 奶泡濃滑~

 爸b要了檸檬果茶, 茶味清香淡雅, 喝後消滯舒鬱, 不錯~

PLATO

油麻地彌敦道448-452A號眾坊街文豪閣地下D舖 (中華書局旁) 

23888269