所以最近一有時間, 就會同媽咪老豆周圍去試吓唔同既餐廳
等親屬們可以返來香港, 好好同佢地洗塵!
最近行開沙田, 就同媽咪試吓之前食過既富臨薈
富臨薈比我感覺係企理骨子, 最緊要食物超有水準
好好食呀!所以見佢有新Menu出, 又有好味得意既點心
所以又同媽咪試吓~
睇左餐牌, 叫左幾樣:
賀年龍蝦撈起
花開富貴(紅豆蓉包)
發財大桔(桔仔蝦餃)
包羅萬有(鮑魚燒賣)
金蒜黑椒大頭蝦
大蝦金邊粉
首先係賀年龍蝦撈起 - 賣相超美!!!
餐廳將唔同既材料包括青瓜, 紅蘿蔔, 薄脆, 蔥, 辣椒, 菜莆切成絲,
另外仲有幾塊肥美既三文魚, 食時將所有唔同既材料"撈起" ,
將伴隨既清香袖子汁一齊倒入, 口感相當清新,
材料全都新鮮又香脆, 袖子汁微帶酸既感覺的確能刺殺味蕾,
食完後相當開胃, 確係一款相當好食既前菜,
推介!
花開富貴(紅豆蓉包) - 造型趣緻!!圓圓既包子上面放了朵粉紅色的彷花, 真係好可愛!
咬一啖之後, 就覺得佢充滿驚喜!!! 軟熟既包子好有彈性, 好鬆軟, 內面鑲左鮮紅豆蓉, 紅豆味道突出又香滑, 而且有粒粒紅豆粒係入面, 富有口感, 而且又不太甜, 真係好好味呀!
發財大桔(桔仔蝦餃)-呢款都好好好食!!!造型趣緻度一樣攞滿分!!!
原隻大大蝦餃用上柑桔汁造成既皮來整,有淡淡柑桔香味,而且一啲都唔會酸!桔裡面啲蝦多到實實的,一啖咬落去,蝦既鮮甜香味充滿整個口腔,絕對令人回味!
包羅萬有(鮑魚燒賣) -坦白講, 又係好味道!!!鮑魚細細隻,但好有口感,唔會太實而且好有鮑魚香味,下層係大大粒脹卜卜既燒賣,每一口都充滿鮑魚香同埋廋肉香味,口感一啲都唔油膩,一客三隻剛剛好!
金蒜黑椒大頭蝦 - 一客約有6-7隻, 大大隻爽滑大蝦開左邊, 用上脆卜卜既, 炸到香一香既蒜粒來炒, 蝦肉超爽口超級大塊, 雖然好熱氣, 但真係好好味!
大蝦金邊粉 -本以為有啲辣同埋滯口, 但呢個金邊粉出乎意料炒到好爽身, 入口好Light 好清新!
帶少少酸酸甜甜蕃茄汁味道, 配上少少碎果仁同埋炒疍絲來食, 味道相當出色! 另外放係上面果二隻大蝦絕對係神來之筆, 又爽口又大隻又啖啖肉, 好好好好食呀!
富臨薈
25700168
