雖然在短時間內不會到韓, 可幸是香港也有很多好味的韓式餐廳!
就好似炑八, 由佢地開張就開始幫襯了
烤肉仍然美味, 雖然價位也脹了很多
但沒所謂吧, 幾個月一次也可以的~
再次來到尖沙咀炑八, 今次係同媽咪試吓佢地新出既步步高昇賀年套餐~~
價位約HKD 588, 但就有齊薄切韓牛牛扒, 韓牛牛五花, 韓國大蝦, 厚切五花肉, 牛舌, 韓牛牛前胸肉, 好豐富呀!!!
一如以往, 一坐底就有幾碟前菜放係面前, 每款都好好味而且係無限添加架!
仲有炑八好好味既芝士粟米同疍呀!!! 佢個芝士粟米係無敵好味, 我encore左幾次~
雖然天氣涷, 但都忍唔住飲左杯袖子特飲, 甜甜地幾好味~
點左餐都好快送上來, 我既步步高昇賀年套餐! 賣相一流, 每款肉都好好排列住,
所有肉和海鮮都睇得出好新鮮, 充滿住鮮肉既芬芳同光澤感!
五款肉類真係各有千秋, 自己最中意韓牛牛五花和厚切五花肉,
大大件看似好肥好油,
但烤好後, 那層厚肥油真係好脆好香好好食!!!
食落一啲都唔肥呀, 就好似食緊油渣咁
好香口, 食到停唔到口呀!
至於其它肉類例如薄切韓牛牛扒和 韓牛牛前胸肉,
每件油同埋嫩肉分佈分明, 烤好後肉變得好嫩滑
入口又唔會老, 係好有肉味既感覺, 好吃!
韓國大蝦都唔會叫人失望
三隻大大隻又爽口又彈牙既大蝦
只要略燒幾下就熟
入口充滿燒烤既香味, 好吸引!
套餐仲有餃子年糕湯送, 呢個又係好有驚喜
因為出面天氣好涷, 呢碗熱年糕正正合時!
再加上入面有3-4個脹卜卜年糕
食落去鮮味十足, 肉既芬芳再加上小小子彈年糕既彈牙
再加上用上好多洋蔥製成既湯底
令人回味無穹!
我地再點左"全盒"呀!呢個係新年先推出架~
用全盒上, 內裡有着切成絲既唔同配料包括青瓜, 蟹肉蟹子, 牛肉, 紅蘿蔔, 青菜等等
用中間果個好qq既年糕皮, 把自己心水配料放係入面
再沾上醬汁就成了!
成個口感層次好豐富! 最中意佢既蟹肉蟹子
因為係新鮮人手拆, 好鮮甜好好味
值得一試!
新年期間, 仲有禮物買! 呢度有韓國新年利是封同賀年禮盒賣,
有興趣既朋友可以點菜前問問staff~
炑八韓烤
27237313
